MANUEL MURGUÍA
233
1977, Criado e Grajal 1981, Pena 1991, Carneiro Rey 1995, 1998, MartinónTorres 1999: 2384, MartinónTorres e Rodríguez Casal, n.p.). Por outra banda, é comunmente aceptado pola comunidade de prehistoriadores que os monumentos megalíticos puideron servir tamén como marcos territoriais na Prehistoria, e que esta idea só se desenvolveu a partir dos traballos de Colin Renfrew (1976, 1983)5. Pois ambas posibilidades xa foran, en realidade, suxeridas e relacionadas na Galicia de Manuel Murguía:
... en los documentos medievales referentes a territorios cuyos límites se señalan y muy en especial en los de las iglesias, se mencionan á cada momento las piedras fitas, de las cuales muchas debieron ser antiguos menhires que se aprovechaban como marcos ó que staban allí como piedras terminales (1888: 8687). ... los dólmenes (arcas) y mamoas en ocasiones cómaros son aprovechados como mojones (1888: 87).
Deste xeito maniféstase o aproveitamento dos megálitos como marcos na Idade Media, e para ratificalo ofrécense exemplos destas expresións tomados dos documentos: ?petras quae ab antiquo fuerunt constructe... petras ere c t a s?, ?et per illam antam quae stat in illo fontano...? (1888: 87)4. Pero Murguía non se detén aquí, senón que tamén insinúa que esta función demarcadora pode ser unha herdanza da que xa tivera nas épocas primitivas:
Después de limitar el campo sagrado, fijar los límites territoriales de la tribu y ser testigo de las asambleas nacionales, vésele servir de piedra terminal y en tal concepto ser santificado por el campesino... (1888: 85).
A arqueoloxía murguiana chega así a inestimables acertos que non se teñen valorado. Pero tamén, como cabía agardar, a erros que se irían corrixindo co progreso das investigacións. Xa indicamos algúns deles; agora recollemos outros, tratando de xulgar en qué medida puido telos ou non evitado. O carácter fortificado dos castros, para comezar, leva a Murguía a pensar que as tribos célticas vivirían nun ?estado de guerra perm a n e n t e ? (1901: 509). Hoxe sabemos que non era así, pero as grandes construccións defensivas da Idade de Ferro aínda seguen presentando dificultades interpretativas (Calo 1997: 97102). Así mesmo, ¿que dicir da autoría dos castros? Tense acusado ós