MANUEL MURGUÍA
de fíxoo Fillo Predilecto, os responsables do Pedrón de Ouro outorgáronlle o P e d r ó n d e O u r o e o Museo do Pobo Galego impúxolle a I n s i g n i a d e O u r o; en 1985 recibiu o Premio Trasalba da Fundación Ramón Otero Pedrayo; en 1988 o Concello de Santiago entregoulle a Medalla de Ouro ó Mérit o C i d a d á n e Cultural e a Xunta de Galicia deulle o Premio de Investigación; en 1989 puxéronlle o seu nome a unha rúa na cidade de Lugo e en 1990 fixeron o mesmo na vila de Melide; en 1992 recibiu o Premio Otero Pedrayo instituído polas catro Deputacións Provinciais galegas; en 1993 impuxéronlle a I n s i g n i a d e O u r o da sociedade Fillos e Amigos da Estrada e concedéronlle o Premio Los 90 de Oro do Consejo Español de Mayores e a Fundación Mapfre; en 1994 púxoselle o seu nome ó Instituto de Fontiñas de Santiago, concedéuselle a Medalla de Ouro e Brillantes da Asociación de Empresarios de Artes Gráficas e fíxoselle unha homenaxe no Concello de Cotobade; en 1995 a Xunta concedeulle o Premio das Letras e das Artes, a Universidade a I n s i g n i a d e O u r o, a Asociación do Traxe Galego de Santiago a Medalla d e O u r o e o Concello de Santiago púxolle o seu nome a unha avenida; en 1998 a Enxebre Orde da Vieira deulle o título de Patriarca da Galeguidade, os periódicos O Correo Galego e El Correo Gallego fixérono Galego do Ano e a Deputación Provincial da Coruña celebrou o I Certame de Artesanía Antonio Frag u a s F r a g u a s. Ademais, en 1995 celebrouse un simposio na súa homenaxe, coordinado por X. M. González Reboredo e publicado co título M e d i c ina popular e antropoloxía da saúde. Actas do Simposio Internacional en homenaxe a D. Antonio Fraguas. Santiago de Compostela, 11 ó 14 de outubro de 1995 (Santiago, Consello da Cultura Galega, 1997). Deste Simposio foi Presidente de Honra. A todo isto debemos engadila homenaxe xeral que recibiu os días da súa morte e enterramento, pois o seu cadaleito tivo a honra de estar exposto nun salón do Museo do Pobo Galego, por onde pasaron numerosos amigos a darlle o último adeus, e o funeral celebrouse na Igrexa de San Domingos, abarrotada de público, coa única nota negativa de contar con todo o aparato político pouco ou nada vinculado á nosa terra. Esta homenaxe impresionante rematou co soterramento do seu cadáver nun lugar privilexiado do cemiterio santiagués de Boisaca.
319
Don Antonio sempre tivo afección ós libros e pasaba moito tempo a ler obras de diferente condición, debido á sua curiosidade e ó seu desexo de estar ó día e coñecer tódalas correntes e innovacións que ían xurdindo. Por iso se dedicou a comprar numerosos libros desde a súa xuventude e trataba de lelos todos. Cando fundou o Museo do Pobo Galego, dixo que el só era un mirón, un individuo que vía as cousas e que as aplaudía porque se facían moi ben. A este museo doou a súa preciosa biblioteca en 1994 e en 1999, o 9 de agosto, asinou na súa casa a Acta de constitución da F u ndación Antón Fraguas, porque quería converter este centro nun lugar de formación de cultura, un centro que xestionase a súa biblioteca, que recollese e estudiase a cultura material e espiritual, que proxectase e dinamizase o patrimonio que el e a súa xeración crearan e rescataran e onde pervivise a memoria de Galicia. Ó longo da súa prolongada vida publicou numerosos traballos en libros, folletos e revistas científicas, así como en revistas de divulgación e en periódicos, e fíxoo ata pouco antes de morrer. O primeiro traballo saíu nun periódico en 1926, o último no número 144 de Grial, que, aínda que leva data de 1999, saíu do prelo despois da súa morte. A súa curiosidade levouno a facer investigación sobre historia, xeografía, etnografía, folclore, arte e antropoloxía, sendo moitos dos seus traballos de carácter divulgativo, pois sempre amosou un enorme interese en divulgala cultura de Galicia. Entre os libros debemos citar en primeiro lugar a súa Geografía de Galicia (Santiago, Porto y Cía, 1953), libro cunha magnífica descrición da nosa terra e no que se ven algunhas das súas preferencias, pois xunto ó estudio da xeoloxía, orografía, hidrografía, o litoral, o clima, a bioxeografía, as riquezas naturais, a industria, a enerxía eléctrica, as vías de comunicación, as comarcas naturais, a división eclesiástica e a división administrativa, tamén fala da agricultura, do traballo no campo, dos regos, da gandería, da pesca, da xente (o traxe, diversións, costumes e crenzas, a lingua), das características da poboación, da emigración, da casa, o hórreo e o muíño, así como da paisaxe. En segundo lugar témola súa tese de doutoramento, que publicou cos títulos de Historia del Colegio de Fonseca (Santiago, Instituto Padre Sarmiento de Estudios Gallegos, CSIC, anexo XI de