318
BOLETÍN DA REAL ACADEMIA GALEGA
ás circunstancias políticas, que non eran moi favorables para poder facer un eloxio de Castelao pouco despois da súa morte, tendo en conta á intransixencia do réxime franquista, que facía todo o posible para minimizala figura impresionante do autor de Sempre en Galiza. O discurso de ingreso de Fraguas permanece inédito na Academia e non leva título, se ben Alonso Montero en P r e s e n c i a d e Castelao na Academia. Textos inéditos e otras p á x i n a s (A Coruña, Publicacións da Real Academia Galega, 1999, p. 10) lle pon o título de Coplas cantadas nas ruadas de Loureiro de Cotobade e transcribe a ?Laudatio? que fai de Castelao (pp. 2931), así como unha parte da contestación ó novo académico feita por Otero Pedrayo (pp. 3334). Por outra banda, en 1976 Xaquín Lorenzo e mais el foron os principais impulsores da fundación do Padroado do Museo do Pobo Galego, coa fin de crear un centro onde se recollese unha mostra da cultura popular da nosa terra e houbese a posibilidade de formar unha boa biblioteca para servir de base a estudios de investigación. O Museo instalouse no edificio de San Domingos de Bonaval, que desde entón se comezou a rehabilitar e a acondicionar. Xaquín Lorenzo presidiu o Padroado ata a súa morte en 1989 e Fraguas foi director do Museo ata ese mesmo ano, en que pasou a presidilo Padroado, ademais de seguir coa dirección, realizando un labor transcendental, que levou ó Museo a ser actualmente unha institución fundamental no desenvolvemento da cultura galega. Ademais, en 1983 creouse o Consello da Cultura G a l e g a e foi membro del desde un principio, coordinando a Ponencia de Antropoloxía. Tamén foi un dos creadores da heteroxénea Academia Galega de Ciencias en 1977, así como membro correspondente da Sociedade Portuguesa de Antropologia e Etnologia do Porto, da A s s o c i a ç ã o d o s Arqueólogos Portugueses de Lisboa e da Real Academia da Historia de Madrid. As homenaxes que recibiu nos últimos anos foron numerosísimas e moi variadas. Así, en 1973 fixérono P o n t e v e d r é s d o a n o; en 1974 Colexiado distinguido do Colexio de Doutores e Licenciados en Filosofía e Letras e Ciencias do Distrito Universitario de Santiago; en 1984 recibiu da Xunta de Galicia a Medalla Castelao, o Concello de Santiago nomeouno Fillo Adoptivo e concedeulle a Medalla de Prata ó Mérito Cultural, o Concello de Cotoba
te século tan nefasto para a natureza e destructor da idiosincrasia de tantos pobos. O seu sentimento galeguista era profundo, pero nunca tivo aspiracións políticas. Para el ser galeguista non era máis ca ser amante da nosa terra, non quería comprometerse con ningún ideario político. Amaba a Galicia sobre tódalas cousas e sempre desexou o mellor para ela, pero sen enfrontarse con ninguén, cunha profunda ética e moral e unha grande relixiosidade. Todo isto fixo que moitos investigadores o tivesen de guía e seguisen o seu camiño no terreo da investigación. Cando en 1998 no Correo Galego o fixeron G a l e g o d o a n o, dixo: ?Teño que agradecerlle a Deus todo, porque eu son un home modesto, un aldeán e nada máis?. Noutra ocasión repetiu parecidas palabras: ?Eu procurei ser un ser humano que non se mete con ninguén, porque eu son un home modesto, un aldeán e nada máis?. Todas estas cualidades persoais, tanta bondade, tanta entrega, tanta axuda e colaboración en calquera tarefa, xuntamente coas súas publicacións, todo en conxunto levou a que fose un dos homes que máis homenaxes recibiu en vida, tanto dos amigos coma dos propios inimigos da lingua e da cultura galega, que se aproveitaron todo o que puideron da súa predisposición positiva. Lembrémolos cargos máis importantes que desempeñou, as institucións que o recibiron no seu seo e as moitas homenaxes con que o honraron. Alén dos postos xa citados que ocupou nos institutos da Estrada, Lugo e Santiago, así como no Seminario de Estudos Galegos e no Instituto Padre S a r m i e n t o, en 1963 pasou a ser director do M u s e o Municipal de Santiago e en 1992 foi nomeado Cronista Oficial de Galicia. Tamén foi arquiveiro e bibliotecario da Real Sociedade Económica de Amigos do País de Santiago, director da sección de Historia Moderna do Instituto de Estudios Xacobeo s e vicepresidente da Arquiconfraría do Apóstolo S a n t i a g o. Entre as institucións ás que pertenceu cómpre destacar que o 12 de febreiro de 1951 foi elixido membro numerario da Real Academia Galega, a proposta de S. Portela Pazos, R. Otero Pedrayo e Luís Iglesias, substituíndo precisamente ó seu amigo Castelao, feito que lle produciu unha profunda emoción, se ben o discurso de ingreso se demorou ata o 8 de maio de 1956, seguramente debido