Eladio Rodríguez González
BOLETÍN DA REAL ACADEMIA GALEGA
E finalmente, honradamente, porque nós somos así, decimos a ?El Noroeste? que se en troques de se propoñer para a presidencia da Academia ao Sr. Ponte Blanco se tratase de D. Eladio Rodríguez González, non houbera pasado o que pasou, porque o Sr. Rodríguez González ten indiscutibres méritos d'abondo xá que de todos é sabido que é un dos nosos poetas en lingoa galega, algunhas de cuias poesías teñen honrado as páxinas de A NOSA TERRA. Se fose así non houbera pasado nada, pero francamente, o outro e intolerabre e denigrante para Galicia é para a Academia (ANT 1924b).
Francisco Ponte y Blanco é elixido presidente da Academia por maioría de votos nunha sesión na que estaban presentes o presidente interino Estrada Catoyra10, e os académicos de número Martelo Paumán, Lugrís Freire, Florencio Vaamonde, Pérez Barreiro e Rodríguez González. Ademais estes depositaron os votos que neles delegaran os académicos de fóra da cidade: Ramón Tojo, Amor Meilán, Varela Lenzano, Barcia Caballero, Casto Sampedro, Diez Sanjurjo, Banet Fontenla, Federico Maciñeira, Pérez Costanti, e Vega Blanco. O resultado da votación foi de 13 votos a favor de Ponte Blanco, 2 a favor de Eugenio Carré, 1 a favor de Félix Estrada e 1 en branco (Libro de Actas, 31III1924). Os dous votos de Carré evidencian que el era o candidato do sector vinculado á Irmandade da Fala ó que se refire A Nosa Terra. Posiblemente sexan de Manuel Lugrís e Florencio Vaamonde. Se comprobamos o número de votos e de académicos asistentes coas súas delegacións, vemos que non se corresponden. Algún académico debeu emitir o seu voto por correo, tal vez, o propio Carré, malia residir na Coruña. O Boletín recolle a victoria de Ponte y Blanco do seguinte xeito:
los señores Académicos que en la elección tomaron parte han emitido sus votos, cada cual según criterio, levantando todos el corazón por encima de los pasajeros apasionamientos que no pueden entrar en Corporaciones como la Real Academia Gallega (BRAG 1924a: 94).
A confirmación do que xa se intuía desde meses antes provoca a ira dos nacionalistas, que atacan sen miramentos ós culpables.
Sucedeu o que nos supoñíamos. O día 31 reuniuse a Academia e por ?mayoría de votos? foi elixido presidente don Francisco Ponte Blanco. Non vale canto se dixo nen que a maior parte da prensa xusgara como un desacerto a pretensión do elixir. Os caciques da Academia que xá dixemos que os había e mais os seus nomes, puxéronse a Galicia por monteira e saíron co'a sua. Xá a cousa non ten arregro. [...] Tiñamos mentes de facer algunha proposición referente â reforma do regramento. Mais non é preciso xá. Agora pedimos como primeira medida a clausura difinitiva da Academia por noxenta, ridícula e antigalega ademais de ser unha coveira de caciques
105
Nº 362