13.10.06
?M
ariñáns e montañeses, homes traballadores e honrados, saúde?. Así empezou D. Manuel Lugrís Freire o primeiro discurso político en galego, que pronunciou no palco da música de Betanzos o día 6 de outubro de 1907. Para conmemorar esta data histórica achegáronse á vila de Betanzos os membros da Real Academia Galega co seu Presidente Xosé R. Barreiro Fernández. Un fermoso sol outoneiro recibiu a comitiva académica o día 13 de outubro. Ás doce da mañá tivo lugar, por parte da Corporación Municipal co seu alcalde á cabeza, unha recepción no salón de plenos onde despois dos mutuos agradecementos Xosé Ramón Barreiro asinou no libro de honra do Concello. Nada máis rematar este acto protocolario, sumouse á comitiva oficial o vicepresidente da Xunta de Galicia D. Anxo Quintana. Formouse unha comitiva cívica constituída por políticos, académicos e xente da cultura chegada de diferentes lugares de Galicia que dende a Casa do Concello tomou a dirección do palco da Música onde se ían pronunciar os discursos conmemorativos. A banda municipal non deixou de amenizar o percorrido con aires festivos. Cando chegaron ao palco, fixo as correspondentes presentacións o académico Xosé Luís Axeitos, quen se referiu ao acto como un intento de recuperar os soños deste país. A continuación varios académicos foron lendo o discurso de Lugrís: ?Quérovos falar na lingua galega, primeiramente porque deste xeito entenderédesme mellor?, empezou o académico Ferro Ruibal. Despois a numeraria Olga Gallego continúa: ?Sobre a fala galega, que é sagrada para nós, por ser un herdo dos nosos antepasados, deixaron caer a súa bulra os estúpidos que renegan
257
Nº 368