Traballos de investigación e estudo
BOLETÍN DA REAL ACADEMIA GALEGA
? ¿Non vos parece, meus amiguiños, que ésta grandiosa regalia vale máis, que todo o ouro do mundo? (3.2). ? Decide ahora, meus amiguiños (4.1). ? Salude, amiguiños: Deus, Nosa Señora, e o Santo Apóstol nos axuden sempre: Amen (4.2). A intención didáctica que con certeza ten o texto, como de peza oratoria dirixida por un mestre ou preceptor a un grupo de rapaces ignorantes e inocentes, márcase de modo constante mediante interpelacións coas que se busca orientar o auditorio sobre todo o relativo á doutrina que se lle está a inculcar. O emprego reiterado do verbo ver nas acepcións de 'advertir', 'percibir' ou 'comprender' vai reclamando a atención dos oíntes sobre aqueles aspectos da exposición que o predicador estima máis importantes, e mesmo pode sinalarlles as conclusións que ao seu xuízo deben tirar do relato que lles está a facer, como acontece no primeiro e no último dos seguintes casos: ? E por entonces, debéu ser, cando o galopin de Herodes (muitos hay ainda) mandóu degollâlo por causa do muito celo con que predicaba a santa ley, e das muitas conversions que facía de almas pra o reino de Deus. ¡Xa se vé! Era muy valente e nada medoso: era bén FILLO DO TRONO (1.2). ? E por isto chegóu á quedar ignorada por muito tempo cousa de tanto valer, hasta que Deus quixo dâlo á conocer, como verédes (2.1). ? Todos traballaron de alma; e, meus amigos, xa veredes ó que se descubréu (2.2). ? E d'ista calamidade librounos o noso Santo Apóstol. Veredes como (4.1). ? Tan solamente por o que dixen, ben vedes canto amor e devocion lle debemos ter (4.2). A mesma función orientadora do discurso desempeñan ao noso ver estas concatenacións de interrogacións: ? ¿Non vos parece, meus amiguiños, que ésta grandiosa regalia vale máis, que todo o ouro do mundo? ¿E non chorades d'alegría pensando nô grande thesouro que temos en Hispanha? (3.2). ? Decide ahora, meus amiguiños: ¿Cantas gracias non debemos dar decote á o noso bon Deus por tales favores? ¿E non sabédes tamén os muitiños máis que nos fixo por medio do noso Santo Apóstol? ¿E non sabedes canto nos axudóu contra os mouros? Vou á decir un d'eles (4.1). Na seguinte pasaxe o uso do imperativo ten a función de manter a atención do auditorio, en quen se procura fomentar a inclinación a que se lle desvele a identidade do misterioso guerreiro do cabalo branco que coa súa intervención esfarelou as tropas musulmás que participaron na batalla de Clavixo: ?¿Quén era aquel Señor? Escuitade? (4.2).
251 Nº 367