BOLETÍN DA REAL ACADEMIA GALEGA
Estudos e investigacións sobre María Mariño
se en paz o tempo? (90); ?Esta néboa en rastro envolve en voltas de paz? (190)35? ou o descanso ??Xunta descansa nelas, / agardando a súa mallega, / dorme o sono da meda? (88)?. Moitos outros exemplos de cesación que orientan a existencia cara á nada están presentes ó longo da obra da autora; é o caso da quietude do poema 2 de Verba que comenza: ?Era camiño de soios en peito o que eu calaba. / Era rastro. / Era xa forza cinguida. / Meu sóo, afogado, xa non zoa. / Miñas mans ?dedos mudos? xa non tecen? (149). Nalgún caso parece existir unha invocación directa ou unha chamada cara ó exterior, pero que non chega a concretarse en ningún concepto definido, como ocorre co ?pulo?, o sentimento de impulso ascendente e transcendente ó que se refire o poema 9 do mesmo libro; del solicítase, precisamente, o abandono, o deixamento e a quietude: ?déixame no teu medrar quedo ?verba que nace soia?, / déixame, déixame eiquí? (160). A quietude tamén pode aparecer representada polo desposuimento de elementos naturais como, significativamente, o mar, no poema 21: ?Mar sin marea que trocara a súa ronda? (186), ou en Palabra no tempo, cando asegura que: ?a onda que de ti sen remos vai e volve / é a lousa que non podo eu pousar? (139), cunha imaxe que se repite, a da falta de remos, en ?espaiada néboa ?soio remo? segredo aquel / do home que na altura quebraba? (155) ou a do mar sen ondas: ?Mares sin mareas fan camiño, camiño / que non leva? (189). No poema 27 de Verba que comenza, en cambio, a quietude aparece representando a permanencia, por medio das pegadas que non se borran, pegadas, por certo, fixadas na memoria: ?Por elo volvín a elas, / por elo volvinas a pisar, amigos, / quedando nelas tallada, / quedei nelas porque son / aquela terra sabia, / aquela terra era? (197). Moi significativo desa quietude chea de inminencias é a expresión de que ?Vivo no preto quedo / dun lonxano latexar. // O silencio das cousas, hoxe, / aboia, aboia en min? (119), que aparece nun dos poemas de Palabra no tempo, no que, de feito se suspende a realidade do ser, do sentir e do tempo, nun estancamento feraz e aberto ó universo. Un concepto que ata o momento fora mencionado só de xeito disperso e asociado a outras nocións caracteristicamente místicas é o de baleiro; vinculado ó desposuimento, á pobreza de espírito, á aniquilación dos sentidos, á suspensión da identidade, ó silencio do mundo, á quietude, etc., xa tratados, a súa visión e percepción adoita ser unha consecuencia directa de ditos procesos, e constitúese tamén nun dos eixes da vivencia da experiencia mística, en tanto que representa o paradoxo esencial derivado da mesma: a plenitude da ausencia, ou o ser no non ser. O pensamento do baleiro, que ten caracterizado historicamente as tradicións cristiás alomenos ata o século XVII, na súa dimensión relixiosa, pero que se estendeu cara ós ámbitos poéticos, artísticos e filosóficos ata a actualidade, supón tamén unha confluencia transversal con outras experiencias semellantes, especialmente as máis afastadas fisicamente da nosa tradición, as orientais. Das reflexións sobre o baleiro sobresae a contradición dobre da fala e do pensamento aplicado ó que non ten existencia aparente, que
Nº 368 42