Estudos e investigacións sobre María Mariño
BOLETÍN DA REAL ACADEMIA GALEGA
papel mediador no proceso de descubrimento do misterio, aparece con absoluta claridade nos seguintes versos: ?Teño muito que atopei nun camiño rebuscado. / Anque é meu del non son dona. Soio sei que por el falo? (118). Tamén debemos aclarar que a pobreza, neste caso física, exerce na autora unha forte influencia que contrasta coa plenitude da vivencia da natureza, tal e como explica Carmen Blanco (2007). Trátase dunha pobreza material que, como a mística, é suficiente, abondosa e xenerosa no que entrega: ?Entre o sol vén vindo o vento. / A comida vai chegando, / a boroa sabe a trigo? (90); ?aqués que medran na pobreza que non se ve / pro magoa? (175). Moi próxima ó desposuimento está a idea da quietude ou cesación dos medios, que é tanto como un abandono absoluto á influencia e penetración da materia cósmica, actitude de clara raizame erótica que manifesta o que de matérico e sexual existe en dita experiencia. Un exemplo que demostra esta consideración pode ser ?Si, di a terra que me muxe. / Si, di a forza que me palpa soia? (169), que evidencia un sensualismo telúrico de entrega e esgotamento incluso físico. Á fin e ó cabo, tal e como opinaba Octavio Paz, no sexual maniféstase a experiencia do sagrado, posto que tamén é un xeito de revelación e de suspensión do eu que combina os estadios do baleiramento e da plenitude (1998: 141). A experiencia mística, no que poida ter de erótica, é un agardar do suxeito por un ser ou obxecto inconcreto que, en calquera caso, non depende da vontade do eu, de xeito que se produce o que Georges Bataille denomina unha continuidade33, especie de eternidade que rompe a continxencia individual e a orienta á indistinción ou fusión cunha realidade obxectivamente distinta do eu. É, logo, un terreo no que a poesía, o erotismo e a mística coinciden. Son moitos os casos onde a inacción representa un estado de percepción e de apertura á influencia do mundo, como en ?¡Canto andar pra unha agarda!? (114), paradoxo referido á percepción das voces vellas. Dita quietude ten, por suposto, as virtudes do movemento, no sentido de que é unha agarda activa ou expectante; por iso se pode aceptar o novo paradoxo de que ?O pouso, sempre quedo, / hoxe anda e sin ir vou.? (125) ou que ?Ergue nela o que non sei si vou ou espero cando? (133). Neste exemplo, ademais, observamos que a quietude se asocia á pasividade, en tanto que non implica unha busca de ninguén en concreto, polo que se atoparía máis próxima á vivencia budista, que persegue, precisamente, a cesación absoluta do eu na nada, o Annata ou noneu. O caso das místicas cristiás, non obstante, adoita ser o dunha quietude máis activa, que si persegue unha comuñón cunha forza superior, de carácter divino ou non, pero en calquera caso persoal, que é a que manifesta a voluntariedade da comunicación e da unión e sen a que non habería experiencia mística propiamente dita; noutros termos, pódese dicir que os místicos budistas actuarían como guías deles mesmos34, mentres que na tradición cristiá sería precisa a coparticipación dunha forza persoal allea e externa. A quietude, neste caso, é a cesación absoluta dos sentidos, que é a que outorga a paz ??Espáia41 Nº 368