82
BOLETÍN DA REAL ACADEMIA GALEGA
cia y orgullo?, non só endureceu as obrigas forais provocando así a ruína económica do país, senón que o levou tamén a prostración moral e política monopolizando os concellos e a propia Junta del Reino, co que baleiraron de toda virtualidade anovadora esa ?autonomía que pudiéramos llamar salvadora? de que, na súa opinión, gozaban ?las provincias? no Estado dos Austrias (pp. 150, 154, 16566). A situación mellora coa chegada dos Borbóns, entre outras cousas porque traen consigo ?la idea de centralización, que tan útil fue en aquel entonces para dar vida y aliento a la decaída monarquía?. Galicia, que vivía aínda ?bajo el régimen feudal, ó cuando menos en un estado contrario a su felicidad y bienestar?, beneficiouse tamén desta política polo empeño do goberno en fomentala agricultura e o comercio e, sobre todo, pola Pragmática de 1763 sobre perpetuación de foros, que Murguía cualifica de ?salvadora? para os campesiños, pois se por un lado os mantiña ?presos en las redes de aquel contrato feudal?, polo outro liberounos alomenos da ?iniquidad de los despojos? e estableceu unha ?semipropiedad? do labrego que lle fixo traballar mellor e foi causa do aumento da producción. Por iso Murguía lle chama a Carlos III ?amparo y salvaguarda? de Galicia (pp. 166173). Esta visión dos fitos históricos de Galicia e da relación desta co poder central, que é, non xa diferente, senón ás veces contraria á que logo prevalecerá no galeguismo, prolóngase en parte ó século XIX. Por exemplo, considera acertada a división en catro provincias (1859a) porque acaba co caos administrativo do Antigo Réxime. E no que atinxe á situación do país, estima que se acha ?en estado de postración? e repróchalles ós galegos a súa actitude de esperar ?que los extraños nos traigan la justicia, la riqueza y la felicidad?. Como bo provincialista desexa o crecemento do comercio e da industria, pero empeza a cargalo acento nos problemas agrarios. Apunta con claridade a consideración de Galicia como unha sociedade esencialmente rural no pasado, no presente e n o f u t u ro . Nos seus escritos aflora xa esa aceptación resignada do atraso industrial e a conseguinte procura dunha vía agraria de desenvolvemento, que serán tan típicas no futuro do galeguismo. Para el, a raíz dos problemas básicos de Galicia está na sociedade rural e nese ámbito cómpre aplicalos grandes remedios (1865a, p. 188):