Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
ciquismo, el anticlericalismo y, en un grado menor, el antimilitarismo?22. Claro está, Lugrís comparte con todos os movementos teatrais de tendencia social, e especialmente co teatro de carácter socialista que se produce na época, a consideración da linguaxe dramática como un medio para conseguir a liberación, debido ao seu poder de convocatoria (Rubio Jiménez 1982: 125, 1289). Mais, en realidade, deberemos incluílo con toda probabilidade na que Antonio Castellón denomina como ?tendencia radical?, que ten como característica ideolóxica principal a
afirmación de una identificación posible entre los intereses de clase de la pequeña burguesia y el proletariado. Se trata de un intento, llevado a cabo por la pequeña burguesia radical, para vincular una ideología que marque la diferencia existente entre sus intereses y los de las clases que integran la oligarquía en el poder. (1994: 21)
Este tipo de teatro ?reformista?, onde estaría incluído precisamente un dos grandes modelos de Lugrís, Joaquín Dicenta, ao lado doutros autores relevantes deste tipo de teatro social, como ?Clarín?, Galdós, os cataláns Riera i Bertrán ou Santiago Russinyol, presenta unha ?investigación formal que, partiendo de una mentalidad progresista, expresa la necesidad de un cambio en el plano estético y en el ideológico? (Castellón 1994: 21). Cremos que é neste sentido que o teatro da segunda fase de Lugrís se reafirma como teatro rexionalista, pois presenta aínda un afán rexeneracionista que entende como principal problema a desigualdade social, coas situacións de inxustiza e ignorancia que comportan; mentres as comedias da terceira etapa mudan o tratamento dos seus referentes opositores, dende unha perspectiva máis amigábel, como xa vimos. Xa concluíndo este epígrafe, resultan interesantes as consideracións de Manuel F. Vieites (2006a: 70), que observa que estamos diante dun particular teatro social, a medio camiño entre o drama individual e o colectivo, e dunha estrutura baseada nunha ?visión maniqueísta da realidade?, característica que o relaciona coa literatura dramática intersecular en lingua española e que o afasta parcialmente d'O Fidalgo de Xesús San Luís Romero (1918), única onde ?atopamos unha visión decidida da acción colectiva fronte á tiranía? (ib.). Aínda así, cremos que A Ponte foxe parcialmente á norma das outras pezas lugrisianas e, como xa dixemos, dá un paso á fronte coa creación de Antón, personaxe que efectivamente presenta unha ideoloxía marcada polo anticaciquismo, o anticlericalismo e o antimilitarismo. Costumismo e ruralismo A presenza do costumismo, en ambientes rurais galegos, é unha constante en toda a dramaturxia de Manuel Lugrís Freire, sendo en opinión de Vieites o iniciador dunha interesante vía de realismo ruralista, ou naturalismo costumista (2003: 204), denominación moi adecuada para dar conta das particulares características temáticoideolóxicas que sinalabamos no apartado anterior. Todas as accións das obras se sitúan nun ambiente
93 Nº 367