BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
to a escoitar unha obra teatral en galego. Esta preocupación resulta evidente en todas as súas pezas, pero nomeadamente n'A Ponte, como testemuña a dedicatoria feita a Manuel Salgado e Rosende:
O amor que vosté sinteu sempre polos humildes (...) agarimar todo pensamento de rexeneración enxebre pola patria gallega, e os seus traballos na emigración en favore dos fillos infertunados dos nosos eidos foi o que me obrigou a poñelo seu quirido e honrado nome na primeira folla deste libro. (1996 [1903]: 139)
Máis significativa nos parece aínda a preliminar ?nota do autor? onde afirma:
Sendo contemporánea a acción deste drama, quixen que os personaxes falasen como agora se fala, e non como se viviran no sigro XV. Polo mesmo, vinme obrigado a usar algús castellanismos propios do lenguaxe das Mariñas. O grande aprauso con que foi acollido este drama na noite do seu estreno, próbanos que o púbrico quer e agrádalle moito o lenguaxe que se estila, e non esoutro que chamamos literario (ib., 140).
Esta dedicación explica así mesmo a súa gran fortuna entre o público das primeiras décadas do século XX, até o punto de ser un autor de referencia para as compañías galegas da época que desexaban obter un éxito seguro coas súas representacións (Tato 2006c)20. Tema social Son varios os autores (Vieites 2006a: 49 e ss., Rabuñal 1994: 70 e 2006b: 4445, Abuín e Ruibal 2006: 16, Tato 2006c) que sinalan a relación entre o teatro de Lugrís Freire ?nomeadamente A Ponte? e o teatro social de Galdós ou Joaquín Dicenta. Este último tivo unha ampla aceptación e difusión no ámbito do estado (Mainer 1988: 150) e, de feito, é considerado coma o dramaturgo inaugurador dunha nova época de produción e perspectiva teatral no estado, a literatura dramática da ?cuestión social? (Castellón 1994: 17). En xeral, deberemos falar dunha coincidencia na temática e na perspectiva da obra lugrisiana coa literatura de ton socialista que se produce nesta época en toda a península21, unha lectura que denuncia ?la miseria familiar con conciencia prerrevolucionaria, la tentación del crimen, el oprobio de los humildes? (Mainer 1988: 48). Cremos que esta tendencia non se opón ás ideas rexionalistas de Lugrís Freire, considerando sobre todo que o socialismo español deses anos traballou próximo ás tendencias nacionalistas periféricas (Núñez Seixas 1997: 52223) e que, de feito, mantivo posicións que transparecen nos diálogos das obras do autor sadense (Vieites 2006a: 48) como a oposición á Guerra de Cuba. JoséCarlos Mainer (1988: 150) apunta a que precisamente no período finisecular e na transición cara ao século XX, se ve en todo o estado español unha revolta na conciencia das clases medias burguesas que reflicte o seu descontento, ou como el denomina, a súa ?frustración histórica en una tripleta de sentimientos muy conocida: el anticaNº 367 92