BOLETÍN DA REAL ACADEMIA GALEGA
Estudos e investigacións sobre María Mariño
e que tenta un senso diante da fatal revelación da Morte, verte a súa palabra, o seu dicir lírico, en follas dun dramático diario, que mesmo xa se advirte no propio deseño do conxunto, serie e secuencialización subxectiva de poemasfragmento, sarta fragmentarista, pois, na que vai atopando manifestación, edificación, esa intimidade conmovida, temperada no seu fondo polas máis escuras e tenebrosas suscitacións existenciais (1). A palabra poética da nosa autora faise é así puro dicir emotivo, pois como sinala Juan Carlos Rodríguez (2001: 261262) ?en el diario no hay nada que se interponga aparentemente entre el yo sujeto y lo que ese yo cuenta?, engadindo que ?en las páginas del diario se transparenta (de nuevo: al menos aparentemente) la verdad misma del sujeto que escribe?. Estamos, pois, e propiamente, diante dun diario da ultimidade que, dende outra perspectiva, cabería poñer en relación con dúas claves ben caras á modernidade literaria (e que poden botar luz clarificadora neste caso). Dunha banda, ese eu lírico que se verte vivencialmente no diario responde (2), na súa tipoloxía, ó que Santiañez (2002: 325) explicita como ?representación de un yo escindido, desintegrado, evanescente, múltiple, desorientado, discontinuo?, ou o que vén ser o mesmo un suxeito complexo e polimórfico que se proxecta no seu labirinto interior, e que especularmente se reflicte para dicilo en termos unamunianos na ?pantalla de alma propia?. A imaxe dese suxeito disociado, fragmentado ou múltiple (xa non unitario, homoxéneo) aparecía ben significativamente en Palabra no tempo, por exemplo nestes versos (3):
¿Somos un ou somos dous, ou tantos como eu nos temos? Cada un é o caber dun mundo que non sabemos si somos ou si el é o que ten e nós mecemos. (OCPT, p. 134)
E claro está tamén aparece en Verba que comenza:
Son a suma total daquel que foi medindo a pegada aquela que non digo, pegada que soia se puxo o seu nome. Son resta da esperanza diferencia quedou. Multiplicada xa nacín, ¿para que dividirme agora? (OCVC, p. 194)
Doutra banda, esa pulsión confesional que move o suxeito da ultimidade e determina o seu vertemento no diario, é un ben claro modo do que Garfield/Schulman (1984: 63 e ss.) consideran función autocreadora, tan definidora da escrita moderna, e pola que o creador tenta construírse, realizarse e mesmo salvarse nun proxecto estético. En relaNº 368 54