186
BOLETÍN DA REAL ACADEMIA GALEGA
Castellano por Castilla pola Bética andaluz portugués en Lusitania Por Galicia... aquí unha cruz.
Son versos, que logo parafraseados, seviranlle a Lamas Carvajal como encabezamento do seu Tío Marcos da Portela.
Fálase en chino en China portugués en Portugal catalán en Cataluña e na Alemania alemán solo os gallegos d'agora hasta vergoña lles dá falar a melosa e dolce fala que falan seus pais.
A xeración de 1854, tal como a denomina Murguía e na que se inclúe, a de La Oliva e El Miño, en Vigo, a de El País e La Perseverancia en Pontevedra, xornais herdeiros de El Porvenir e El Recre o C o m p o s t e l a n o de Santiago dos anos corenta, retoma no seu entusiasta provincialismo a defensa de Galicia, que eles chaman r e g e n e r a c i o n i s m o ou r e s t a u r a c i o n i s m o , tal como subscribe Luís Rodríguez Seoane nun artigo precisamente titulado así Restauración de Galic i a (El País, nº 4). Os seus animadores son xentes como Miguel Angel Couto, Rodríguez Seoane, López de la Vega, Fernández Anciles, Vicente del Villar e outros. Publican neles poemas en castelán e en galego Pintos, Camino, Pondal e Aurelio Aguirre. Eran tamén xentes que animaban semanalmente a Sección de Literatura do Liceo de Pontevedra, no que dan a coñecela súas composicións literarias, ensaios ou se discute sobre os xéneros literarios, ou cál das belas artes exerceu máis influencia no desenvolvemento dos pobos. A preocupación pola lingua galega aínda é difusa, sen embargo, a súa decadencia é percibida como un dos síntomas da decadencia xeral de Galicia. Así, nun artigo publicado o 6 de decembro de 1857 en el País e titulado Apunte sobre el Padre Sarm i e n t o e a propósito do seu vocabulario galego, afírmase: ¡Lástima que este trabajo no viese la luz pública! Ninguna obra se hace tan necesaria como un diccionario de voces gallegas. En La Perseverancia publícase o 23 de maio de 1859 O Recramo de Pintos xa citado, moi na liña de A gaita gallega de 1853 e