BOLETÍN DA REAL ACADEMIA GALEGA
Estudos e investigacións sobre Xaquín Lorenzo Fernández
pouco a pouco van matando a nosa enxebre arquitectura rural. (?) Non hai tampouco chalets suízos de tellados bicudos, nin terrazas nin varandas de alen mar; non hai siquera balcóns de cemento?. E nunhas amplas declaracións a Afonso VázquezMonxardín no ano 1971, xa se pronunciaba claramente sobre o que cumpría facer coas casas tradicionais que ?Eu non digo que vaiamos a facer casas vellas. Non se trata de facer casas vellas, pero trátase de estudiar ?e esta é a preocupación miña, o estudio da vivenda popular, que se está perdendo? e aplicar os seus recursos, unha cantidade de elementos enormes, perfectamente aproveitables prás construccións modernas?. (Raigame, núm. 9, páx. 55). Persiste na súa preocupación ao longo do tempo e nos limiares que lles fixo ás obras de Pedro Llano (1981) e Begoña Bas (1983), explicitaba nitidamente a súa posición. Laiándose da escaseza de traballos sobre o estudo das construcións populares, dicía no Limiar do primeiro libro que tiña entre mans que ?(?) esta obra é urxente. A moderna transformación da vida rural está impondo novas formas de relación co medio ambente e coiles novos productos humáns, antre iles a vivenda e as súas dependencias. (?) O infruxo da cidade e especialmente as novedades traguidas pola emigración, introduxeron uns elementos materiais alleos a nós totalmente inxustificados que romperon coa paisaxe e cos intereses da nosa economía. (?) Como é lóxico, a vivenda rural ten que millorar de acordo cos novos tempos, mais iste milloramento debe ser conscente de que a casa de hoxe ten de bo o saber aproveitalo sen esquecer o seu pasado e a súa orixe, obra esta que se atopa nas máns dos técnicos, que con estudos coma o presente terá unha fonte abondosa prás novas vivendas que se fagan no futuro, utilizando os elementos que as caracterizan? (LORENZO, 1981: 13). E na introdución do segundo di que ?Begoña Bas comenzou por un interesante estudo encol dos hórreos ou canastros. (?) Agora de novo insiste no tema centrando a sua atención dun xeito especial nas construccións, tanto das vivendas como de anexos e similares, e destaca a importancia das obras da beiramar e dos ríos, moi abandonadas polos investigadores deica hoxe. (?) Begoña Bas, coíste traballo e os anteriores, danos un exemplo do que a constancia e a compreta adicación ó tema pode conseguir. Somentes é preciso ír polo vieiro que ela nos sinala? (LORENZO, 1983: 7). Por se non abondaran esas declaracións, cando a inauguración o 23 de xullo de 1987 da Sala de Arquitectura Popular do Museo do Pobo Galego, no seu discurso dixo, entre outras cousas, que consideraba a adaptación da vivenda tradicional galega ás novas técnicas como un desafío ?para os arquitectos, que ao construír casas como elementos alleos á paisaxe fan unha afrenta. É necesario realizar unha adaptación das novas vivendas ao que a terra nos impón, ao que os sentimentos nos mandan? e considerou, nunha dura crítica aos técnicos, que as novas construccións ?feitas de azulexos son como cuartos de baño postos ao revés, non realizadas polos nosos paisanos, senón por uns técnicos que len revistas do estranxeiro e gústalles o que ven e fano aquí cando non é o noso, a nosa casa? (El Correo Gallego, 24VIII1987).
Nº 365 28