Estudos e investigacións sobre Xaquín Lorenzo Fernández
BOLETÍN DA REAL ACADEMIA GALEGA
posibilidades? Ahora reanudáronse, por exemplo, os traballos do Seminario de Estudos Galegos e hai xente traballando ben e facendo cousas moi interesantes como un estudo sobre os hórreos que saíu hai pouco ou traballos que se están a facer sobre os muíños, a vivenda?? (Entrevista de Xoel Gómez, La Región, 21I1981). Un pouco máis adiante, no mesmo xornal, á pregunta de J. A. Carracedo: ?¿Hai quenes siguen hoxe os vieiros dos grandes investigadores como Cuevillas, Risco, Xocas e outros??, respondíalle que ?Xa o creo. No Museo do Pobo Galego hai unha serie de rapaces que están traballando moito e ben. Tamén se fan obras tan trascendentales como a que está publicando Begoña Bas, sobre etnografía. O Colexio de Arquitectos fai unha labor interesantísima e moi coñecida? (La Región, 14XI1982). Noutra entrevista que lle realizou Lino Braxe posteriormente, no ano 1987, para un dos cadernos extra de A Nosa Terra ?o número 8? dille que ?A min prodúceme unha grande satisfacción ver como aquela semente de antes do ano 1936 que despois durante 40 anos tivo que estar acougada, xorde hoxe na xuventude actual. Vexo que estes rapaces novos senten unha curiosidade enorme por coñecer Galiza, por coñecer aos galegos, por coñecerse a sí mesmos e por traballar por Galiza?. Mais, ¿que pensaba sobre as realizacións inmobles construídas como as que se engloban na arquitectura popular? A casa, que é a institución que fundamenta esa arquitectura ?que dado o seu carácter multifuncional acolle gran variedade de espazos, onde cada un deles cumpre unha función determinada?, foi lentamente perdendo personalidade e a casavivenda, o seu núcleo esencial pasa, en moitas ocasións, a ser unicamente lugar de habitación e residencia das persoas. As construcións adxectivas de almacenamento (alpendres, palleiras, hórreos), transformación (eira, muíño, forno), cría e habitación de animais (pombais, alvarizas, curros), caza e pesca (foxos, pesqueiras), destinadas á comercialización (recintos de feira), dos equipamentos (pozos, fontes, lavadoiros, palcos da música, capelas), ou as construcións de aproveitamento artesanal e preindustrial (industrias oleiras, telleiras, ferrerías e mazos, batáns, fábricas de curtidos), ou do territorio (camiños, valados, pontes, socalcos, regas), todas elas, entre outras, construcións precisas para o desenvolvemento da economía agraria e pesqueira da unidade de produción que é a casa, por mor de iren perdendo a súa función orixinaria tenden a desaparecer, a seren abandonadas ou, en moitos casos, reconvertidas. Xaquín Lorenzo, consecuente coa súa concepción dinámica da cultura, adoptou unha postura clara que expresou publicamente en numerosas ocasións verbo do uso e da acomodación, sobre todo da casavivenda, ás novas esixencias do mundo moderno. Xa en tempos tan afastados da publicación de Vila de Calvos de Randín, cando aínda confiaba en neutralizar intromisións alleas ao país, escribía na páxina 31 defendendo a pureza das arquitecturas tradicionais e comentaba que ?As casas labregas de Calvos non están lixadas polo americanismo nin pola influenza das construzóns vilegas, doenzas que
27 Nº 365