BOLETÍN DA REAL ACADEMIA GALEGA
Estudos e investigacións sobre Xaquín Lorenzo Fernández
sociedade e do territorio, tanto nos asentamentos humanos como na arquitectura popular. Vinte anos despois, como dando resposta a moitas conxecturas, onde a conservación a ultranza da tradición era unha das que se formulaban, manifestáballe ao xornalista Alvarado que ?Hai xente que pensa que esto da etnografía, do estudo da cousa popular, presupón o deseo de fixala, que a xente siga vivindo o mesmo, que siga facendo as mesmas cousas? se trata de anquilosar; non se trata de momificar unha sociedade. Trátase de estudiala e continuala dunha maneira lóxica, atemperada aos tempos, á evolución e ás novas técnias. Ter un arado román para gardalo, non (para) usalo, e coñecer? as raíces da nosa cultura para comprender a nosa historia e coñecer a nosa identidade? (La Región, 29IV1983). El sostivo sempre nas súas pescudas e estudos sobre a cultura material de que a natureza dela era cambiante ?tal como acaídamente describe o seu discípulo García Martínez?, ?como realidade histórica que é, receptiva a formas culturais novas e sometida tamén a presións e acelerados procesos de cambios que ocasionan ao largo do tempo a transformación, o derramamento ou a perda de moitos elementos ou trazos culturais. De aí a necesidade de estudar os diferentes elementos e creacións etnográficas, documentalas e fixar a súa orixe? (GARCÍA MARTÍNEZ, 2003: 264). A postura, xa que logo, de Xaquín Lorenzo, diante dese profundo cambio, non se traduce como algúns poidan pensar nunha actitude nostálxica da tradición, nin nun conservadorismo sen senso, ou nun inmobilismo paralizante, senón que sempre tivo a lucidez, sensibilidade e intelixencia precisas para saber o que os novos tempos demandaban e, polo tanto, o que se debía facer do patrimonio material preindustrial en cada conxuntura. Ben claro tiña que os obxectos materiais que foran imprescindibles para o desenvolvemento da vida autárquica e de autoabastecemento había que documentalos e recollelos, como testemuñas desa vida e como mostra da historia da cultura material do pobo galego, anceio que viu feito realidade coa creación do Museo do Pobo Galego, fundamentalmente. Non era ese o caso, que tamén, do patrimonio inmobiliario construído, xa que as persoas seguiron a vivir nas casasvivenda e utilizando moitas das construcións auxiliares (caso dos hórreos, alpendres, fornos, pesqueiras, ?). O noso etnógrafo vivía coa esperanzada ilusión de que apareceran novos investigadores para lles dar continuidade aos seus estudos. Neste renque de manifestacións súas ?que polo seu interese consideramos procedente resucitalas?, recollidas en diferentes anos, pode apreciarse como ía seguindo con atención suma o verse cumpridas as súas arelas e a ledicia que sentía ao saber que aparecían xentes das novas xeracións dispostas a traballar no eido das investigacións máis queridas para el. Á pregunta do xornalista ?¿Cal é hoxe o estado dos estudos das investigacións na Galiza??, a súa resposta foi a de que ?Aquí estáse empezando a traballar muito e ben aínda que con poucos meios. Houbo un lapsus, estes corenta anos de abandono, falta de método e medios, poucas
Nº 365 26