BOLETÍN DA REAL ACADEMIA GALEGA
Vida oficial da RAG
profesor D. Xosé R. Barreiro Fernández e de D. Xosé L. Axeitos. O libro apareceu na colección Galicia Viva da Fundación Pedro Barrié de la Maza, entidade que está a prestar apoio exemplar á institución que promove a edición. Está previsto que todo o prezado material epistolar arredor da figura do primeiro presidente da Real Academia estea a disposición dos investigadores no ano 2006 coincidindo coa efeméride do Centenario da institución. III. Sección de Literatura, creada en 1998. Director: D. Xesús Alonso Montero. Financiamento: Real Academia Galega. Traballos desenvoltos: Cómpre salientar nesta sección a aparición inmediata do primeiro froito dun proxecto de grande interese denominado Letras da Academia. Trátase de aproveitar a abondosa e fértil documentación inédita que como doazón, principalmente, ten chegado á Academia. Cunha edición da obra poética de D. Antonio de la Iglesia a cargo da profesora Saurin de la Iglesia comeza o desenvolvemento deste ambicioso proxecto literario. Outro capítulo importante desta sección, promover a edición crítica e rigorosa de determinados textos canónicos da nosa literatura, acaba de dar como froito a publicación da obra de Pondal Os Eoas. A crítica textual a cargo do profesor D. Manuel Ferreiro está precedida polos estudos dos tamén profesores D. Manuel Forcadela e D. Xosé R. Pena. Bibioteca e Hemeroteca Creadas en 1905. Director: D. Antonio Gil Merino (desde o 17 de decembro de 2005 ocupou o cargo D. Xosé Luís Axeitos Agrelo). Financiamento: Consellería de Cultura, Comunicación Social e Turismo. Traballos desenvoltos: É xa de coñecemento xeral entre os usuarios e investigadores da Biblioteca e Arquivo da Real Academia Galega que os fondos históricos que custodia a institución son, en gran parte, o resultado de diversas doazóns que se sucederon ao longo de cen anos. É esta unha característica moi especial da nosa biblioteca, se a esta información engadimos que é a unha das poucas bibliotecas do país que conserva os nomes dos anteriores posuidores e que constitúe un aspecto cultural de grande importancia de cara ao investigador. Precisamente estanse actualmente a completar datos de procedencias usando como referencia o Boletín da Real Academia Galega que consignou ao longo da súa traxectoria este tipo de datos. O rexistro informatizado dos fondos bibliográficos que se van recibindo ocupou unha boa parte dos traballos efectuados polo persoal da Biblioteca. A maior parte dos mesmos corresponden ás bibliotecas de D. Francisco Fernández del Riego, sempre xeneroso coa institución, D. Antonio Meixide Pardo e D. Francisco de Asís Zelada. Paralelamente estase a completar a informatización dos fondos xa catalogados: a) Biblioteca Murguía: incorporación ao catálogo informatizado de trescentos volumes, dun total aproximado de dous mil catrocentos.
Nº 367 306