BOLETÍN DA REAL ACADEMIA GALEGA
Vida oficial da RAG
pado podía converterse para el nunha aventura perigosa, numerosas noites asombradas por berros e insultos soeces, con manifesta complicidade das mesmas 'forzas da orde' que o deberían protexer. Aceptada a súa dimisión, pasado ?como el di? ?á cofradía dos xubilados?, non converteu o seu retiro, humilde e silenciado, en niño de repouso ou en descanso descomprometido. Aumentou, se cabe, a súa actividade de escritos e conferencias, atento aos diversos problemas de Galicia. Abonda con repasar o índice da súa obra ?Escritos cristiáns sobre problemas, personaxes e conflictos de Galicia? (1987), para se decatar do seu interese por todo o que de verdade preocupa á nosa cultura, á nosa xente, ao noso país. Un libro ??guiado por esa dobre fidilidade: ó Evanxelio e a Galicia?? que aínda hoxe pode, e debería, ser obxecto de coidadosa meditación non só no ámbito da igrexa senón tamén no mundo secular. Se os problemas non foron poucos, tamén é certo que a sociedade civil soubo recoñecer os seus méritos: Pedrón de Ouro, 1978; Medalla Castelao, 1988; Galego de hoxe, 1988; Premio Trasalba, 1989. A nosa Real Academia, lembrando a súa morte de crente cristián e bispo galego, séntese agradecida e orgullosa de o ter acollido como Membro Numerario en 1978.
Nº 369
298