Vida oficial da RAG
BOLETÍN DA REAL ACADEMIA GALEGA
primeiro lugar, a língua galega debe ser recibida coa honra que lle corresponde no ensino público. Xulgamos positivo ?e amosamos a nosa gratitude pública? que algunhas medidas recentes da Administración comencen a saír ó encontro desta esixencia, pero tamén consideramos necesario que ese camino se prosiga ata acadar o grado que é de razón e de xusticia. En segundo lugar, háse de percurar a xusta proporción idiomática nos medios de comunicación de masas. Na radio e na televisión, a língua galega ha de ter un emprego proporcional á vida real dos cidadáns ós que tales medios se dirixen. É verdade que nos últimos tempos aparecen indicios positivos neste senso. É preciso que este proceso se acelere ata acadar o grado que a realidade social postula. E finalmente, tamén na rama da vida social que se refere ás diversas esferas da Administración, o galego debe ser respetado como língua do pobo ó que esa Administración está chamada á servir.
A chamada resulta tanto máis sincera, canto que o bispopastor non elude tampouco a responsabilidade da igrexa: ?Con humildade temos que recoñecer que a Igrexa galega non está ceibe de complicidade con respecto á presente situación social da lingua galega?. Por iso insiste nunha chamada ?que na medida correspondente vale para todas as diversas instancias sociais e, hoxe por hoxe, dun xeito moi especial para o noso goberno? á coherencia nunha praxe sincera, eficaz e adecuada: ?O contrario equivalería a cair no fariseísmo denunciado por Cristo: falar dunha maneira e obrar doutra?. Compromiso Demasiadas veces se insiste no prexuízo ideolóxico de que a preocupación pola lingua constitúe na realidade un tema secundario, que mesmo pode desviar dos verdadeiros intereses e dos reais problemas de Galicia. Mons. Araúxo mostrou coa súa vida e a súa actuación como, moi pola contra, ambas as cousas, cando se viven con sinceridade e coherencia, son intimamente solidarias. Será moi difícil, e desde logo imposible nos tempos modernos, atopar un bispo que, debido xustamente ao seu compromiso evanxélico cos problemas reais do seu pobo, fose atacado e calumniado con tanta e tan inusitada dureza, mesmo desde dentro dos que confesaban pertencer á súa igrexa. O conflito orixinado na súa consagración foi preludio dunha campaña que o perseguiría durante gran parte do seu goberno pastoral. Cabe afirmar que, nos tempos máis duros e comprometidos, el foi o bispo dos obreiros de Ferrol. Nun medio social intolerante e prepotente ata a impunidade, en 1972 el ergueu con voz valente e arriscada o ?non matarás? bíblico ante as mortes dos obreiros Amador e Daniel nos conflitos da Bazán. E non dubidou en abrir as portas da catedral de Ferrol ás mulleres e nenos dos obreiros de MEGASA, despedidos inxustamente e en paro forzoso. En 1975 tivo que sufrir o rexistro ilegal da mesma residencia episcopal na Domus Ecclesiae de Ferrol, polas sospeitas de esconder alí activistas da UPG, tras do asasinato de Moncho Reboiras. Durante meses, debeu soportar nas paredes da mesma casa escritos como ?Araujo rojo, Araujo al paredón?. Foron tempos nos que entrar ou saír do bis297 Nº 369