BOLETÍN DA REAL ACADEMIA GALEGA
Vida oficial da RAG
ral na cidade das Burgas: Otero Pedrayo, Risco, Cuevillas, de quen foi humanísimo confesor. ?Todos deixaron o seu selo en min, e entre todos [...] atopei Galicia?, comentaría nas súas memorias (1993). O idioma Non foi, pois, estraño que, xa bispo de Ferrol, en estreita colaboración cos seus sacerdotes, elevase a rango de reflexión sistemática, pastoral e teolóxica, a defensa do idioma. Fíxoo nunha carta pastoral xustamente famosa: ?A fe cristiá ante a cuestión da lingua galega? (1975), moi consciente da seriedade e das dificultades da cuestión. Pero, tomando a serio a súa transcendencia, non cede ao silencio cómplice, e afirma sen voltas a súa intención: ?Unicamente quero deixar aquí testemuño de que non hai outras motivacións [...] que a miña fidelidade á fe cristiá e á miña misión apostólica entre vós. Se algún me xulga doutro xeito, alá a súa conciencia?. Insiste nas fondas razóns históricas, sociolóxicas, e sobre todo antropolóxicas que fan grave e urxente o problema: ?A situación presente é grave, non só observada baixo o prisma da ameaza á sobrevivencia maioritaria da língua no prósimo futuro, se as cousas non mudasen. A súa verdadeira gravedade reside nas consecuencias que hoxe mesmo está xa orixinando a nivel antropolóxico, ou sexa, os efectos que produce nas persoas que constitúen a comunidade falante galega?. Dado que o atraso na publicación deste in memoriam de Mons. Araúxo fai que apareza nun momento crucial para o problema da normalización sociopolítica do noso idioma, considero que estenderse neste non é ningunha instrumentalización das súas palabras. Constitúe máis ben fidelidade á súa intención auténtica, e pode representar un servizo á clarificación serena nun tema estrañamente confuso e escuramente propicio á manipulación. Cito, pois, por extenso:
Por fidelidade á nosa fe cristiá, sentímonos obrigados en conciencia, por unha parte, a denunciar como inxusto o estado de desfavor social no que se ten relegada a língua galega; e por outra parte, a exhortar ó home galego a que tome conciencia da súa propia riqueza espiritual e a que adopte unha actitude de reconciliación consigo mesmo. Desde a nosa condición de cristiáns, consideramos aberrante o exclusivismo do castelán en tódolos ámbitos da vida social de Galicia. Ó mesmo tempo, non podemos esquecer que o galego non é, como xa vimos, a única língua materna da poboación galega; hai unha minoría que ten como idioma materno o castelán, e que en xusticia non pode ser preterida baixo ningún motivo. Se pretendésemos imporlles a língua da maioría, estaríamos caindo no mesmo crime cometido ata agora contra os falantes galegos. A solución xusta e razonable consiste, ó noso ver, en que a vida social de Galicia reflexe na súa vertente idiomática a proporción lingüística que se dá na realidade. Esíxese, pois, nos diversos sectores da vida pública unha estructuración bilingüe na que ó idioma galego lle corresponda o lugar de honra propio da língua maioritaria da poboación. Tal estructuración bilingüe da sociedade galega contribuirá a un arrequecemento común dos dous gupos lingüísticos, e provocará unha renovada fecundidade cultural.[...] Para que se acade o equilibrio idiomático que a xusticia esixe, é preciso que nas diversas facetas da vida social se dé acollida ó idioma galego na medida correspondente. En
Nº 369
296