Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
pulsor da iniciativa, que se concreta no acto multitudinario celebrado o día 10 de marzo do 1894 cun orixinal e festivo menú, mesmo por el composto a xeito de enredo, que entre outras cousas imposibles, por unha simple cuestión de distancia xeográfica, contiña: ?ostras da Ponte San Paio?, ?capóns da Cruña? e ?fresóns de Santa Marta de Ortigueira?, amais doutra ducia de pratos de parella catadura que fan as delicias churrusqueiras dos asistentes. O seu irmán Plácido capacítao para exercer de contable, e adquire unha sólida formación que sería máis tarde o seu medio de subsistencia para o resto da vida. Así consegue, ao pouco de chegar, traballo na casa de Freixas e, consecutivamente, nas de Otamendi Amiel, Fernandez Gonzalez y Cia, Urisandi Alvarez e, por último, na empresa de Inclán, desenvolvendo unha positiva actividade laboral, xa que o único motivo dos numerosos trocos de emprego era a teima por obter mellores emolumentos, que necesita para manter a súa faceta dedicada ás letras, tanto no eido teatral como na poesía. Así é recoñecido por Curros na ?Carta Prólogo?, xa mencionada antes, ao seu primeiro libro Soidades. Di o poeta de Celanova: ?? hame sorprendido en hombre tan por necesidad dedicado como usted a trabajos completamente ajenos a las bellas letras?? , e segue máis adiante ?? ignoraba su decidida pasión por la poesía y que, en medio de la fatiga intelectual que han de producirle forzosamente sus quehaceres comerciales??, o que vén confirmar a intensa actividade que desenvolve Lugrís aos seus trinta anos e que se compensa co grande éxito acadado pola obra entre a colonia galega. Este primeiro libro que consta de 28 poemas, dedícallo á súa nai e contén o poema ?Resposta? que é unha especie de homenaxe que lle ofrece a Curros polo prólogo que este lle escribe, así como outra composición dedicada á súa irmá Isolina que reside na Coruña e a quen lle ten un especial cariño na distancia. Tamén en Cuba espertan os seus máis íntimos sentimentos. A doce fermosura das crioulas, a embriagadora luxuria verdecente do trópico e o sentido lúdico da vida, provocan os seus primeiros amores e así casa con Concepción Orta Iglesias, unha moza, apenas una nena; beleza nativa da que se namora un día na claridade fecunda do Malecón e á que lle dedica unha composición sen título en Soidades, que desenvolve un cadro de perfección no que, seguramente, hai moito de aditamento do enxeño do autor. Esta relación rematará traumaticamente no ano 1899, xa de retorno en Galicia cando morre a esposa, feito que proxectará a súa transcendencia sobre Lugrís durante o resto da vida pairando no seu interior como unha estadea resucitada de cando en vez e ser causa de profundas depresións ao longo dos anos. Nin o nacemento da súa filla Socorro (1897), aquecido pouco antes, nin o reencontro coa súa natureza nai, coas súas paisaxes, coa súa máis íntima vitalidade, poden compensar a tristura e o esferpello interno que se reflicten na inmediata publicación do seu libro de poemas Noitebras, con dúas tristes composicións dedicadas á súa falecida dona Conchita, no que se advirte o negror que habita dentro da súa alma como consecuencia do pasamento daquel ser querido que era a refe63 Nº 367