BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
tancia na tapa do libro de que a metade do produto líquido da venda, a un prezo de 80 centavos cada número, destinarase á Sociedade Galega de Beneficencia. A actividade en Cuba é referencial e decisiva na súa constitución persoal e formativa. Dirixe o seminario Galicia Moderna en unión de José Novo García e logo é cofundador da revista A Gaita Gallega, que ?repinica muiñeiras, fandangos e alboradas, unha vez ó mes? e que ve a luz o 5 de xuño de 1885 co traballo ?O noso pensamento?, no que fai unha declaración de principios de certo nacionalismo primixenio, sendo a primeira publicación que se publica na nosa lingua enteiramente. Mantén algún tempo despois, unha forte polémica con implicacións, mesmo de tipo ideolóxico, a partir de desacordos internos con Ramón Armada Teixeiro, o outro cofundador, que o leva a abandonar a publicación que xa non volve a acoller nas súas páxinas ningunha colaboración máis de Lugrís até a desaparición definitiva en 1889. Por outra banda, participa, case de xeito anguriante, en toda actividade ou manifestación pública da comunidade galega. Escribe incesantemente, acode ao precario campo sindical daqueles tempos, toma parte en conferencias, calquera tipo de acto de difusión, teatro, poesía etc. Esta entrega ao campo da cultura ten o seu recoñecemento aos poucos meses da súa estadía en Cuba. Así, en febreiro de 1884, foi nomeado vogal da Xunta Directiva do Centro Galego, e días máis tarde socio honorífico do Liceo Artístico e Literario de Regla e do Casino Español de Guanabacoa, así como foi tamén membro da primeira xunta directiva da Agrupación Aires da miña Terra, e vogal da Sección de Instrución e Socio de Mérito. Na vida diaria intégrase enteiramente na sociedade cubana. A sucesiva correlación de distintos destinos laborais, está perfectamente notificada no caderno de apuntamentos que atende de xeito extremadamente rigoroso. Non só cos galegos residentes procura contacto. O amplo espectro racial que se desenvolve en Cuba naqueles anos de boandanza económica, aducen a Lugrís a unha serie de heteroxéneas relacións humanas que arrequecen constantemente a súa análise crítica da humanidade e das interaccións de sentimentos e acenos de identidade que se producen entre os diversos pobos. Así comprende que nas reaccións básicas pouca diferenza hai entre uns e outros. Digna de salientar é a súa amizade con Zao, ao que el aludía en ton festivo denominándoo ?El chinito del Malecón? ao que o asiático, indefectiblemente, respondía en idéntico ton: ?Malecón lo selá tu padle?, propietario dunha daquelas tendas tipo abarrote que tanto proliferaban entón na Habana, e co que mantivo unha longa e cordial amizade da que decote conservou a memoria e da que gardaba lembranzas moi positivas. O anecdotario festivo que transmitía en ocasións era curioso e revelador da comenda que chegara a xerarse entre os dous. Aquel establecemento é lugar de reunión con persoeiros da cultura, amigos ou simplemente coñecidos, entre os que se atopa Manuel Curros Enríquez. Aquí proponlle levar a cabo a homenaxe que a Asociación Aires da Miña Terra quere renderlle e que o poeta considera desproporcionada pero á que asente baixo a teimuda insistencia de Lugrís que, por outra banda, como dirixente da devandita asociación é o principal proNº 367 62