BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
da e a dor incontable da impotencia a verse así deitado naquel gabinete de escuro e silencio. Don Ramón Otero Pedrayo deixounos no seu Libro dos Amigos, a estampa clara e precisa daqueles derradeiros tempos da estadía vital de Lugrís Freire, cando fai relato da visita ?ó mestre de gran corazón? como lle chama: ?Cantaban en Lugris algunhas grandes voces antigas. Maxinaba escoitar no balbordo do mar de outono hinos e trenos irmans dos resoantes no seu lembrar..., falamos aquela noite moito tempo. O Orzán peiteaba ca forza e a gracia de ave insomne das procelas nos vidros da cambra. Seituraba a fouce do Faro de Breogan molos de tebras. Pola nosa conversa decorrían en tempos regoados ou nun intre de luz os amigos?. Máis adiante, engade Don Ramón a xeito de resumo: ?Asociaba o optimismo democrático e o grave e estoico sentir da República co vivir antigo e o ensoar céltigo revelado de xeito único entre nos por Eduardo Pondal..., foi bon poeta, mais grande orador, por riba de todo un carácter..., era alma de tertulias, palabra rexa, pintoresca, expresiva. Non ácedo nin irónico. Era home de peito para atacar de frente e para recibir e responder os ataques. Había unha rara elegancia de tribuno na maneira de erguerse para falar en público e deitar as primeiras verbas, mainas, vougas, dubidosas e, ben logo, confiado lume?.
Nº 367
76