MANUEL MURGUÍA
Publicamos El regalo de boda, producción del joven autor de Luisa, con preferencia a otras, que si bien atesoran mayor mérito literario, tienen a nuestros ojos la circunstancia de ser extranjeras. Esperamos que la juventud estudiosa nos agradecerá este rasgo de amor a la literatura castellana, tan lastimosamente supeditada hasta aquí por la extranjera; siendo esto causa de que el genio carezca entre nosotros del noble impulso que produce obras de justa celebridad.
127
O PERIODISMO GALEGUISTA Murguía, como vimos observando, comeza a ser unha sinatura singular do periodismo de Madrid en 1853. Ese ano de gracia para el, foi de desgracia para a terra de orixe, mazada pola fame e unha peste arrasadora. Como sucedera co cólera en 1834, a fame e a peste galegas politizáronse ó máximo. A prensa madrileña e a revistería progresista enchéronse de noticias e comentarios dramáticos. Contribuíron de seu a minar aquela situación política, meténdoa en vésperas da Vicalvarada e da revolución do 54. Galicia pasou así a converterse ?como cuestión de Estado? en mercadoría do comercio informativo internacional. Era ?dicían ó unísono os periódicos liberais? a Irlanda de España. El comeza entón a interesarse doutro xeito polas cousas de Galicia. Non puido meter ?que saibamos? unha liña a propósito do dramático asunto. O seu periodismo camiñaba polas antípodas; pero só na aparencia. Aínda querendo, sería imposible agochalas últimas noticias. Sobre todo nas redaccións políticas e no círculo de amizades que frecuentaba. Cuestións sociais e nacionais, como a irlandesa, fóronse convertendo en armas lanzadizas da política, interior e exterior dos Estados. A analoxía GaliciaIrlanda vitalizaba ?con novo enfoque? as seculares tensións de España e Inglaterra (a pérfida Albión), alimentadas pola diplomacia francesa, os exiliados irlandeses e os políticos francófilos do interior. Como outras cuestións unitarias, propias do primeiro galeguismo, a analoxía IrlandaGalicia xorde na Compostela da súa nenez. No brillante trienio esparterista (18401843), protagonizado polos progresistas. Amigos políticos e persoais do seu pai, como os Chao e os Compañel, aparecen mesturados por primeira vez nas iniciativas dese intre. Nin a Academia Literaria y Artística, nin o periodismo compostelán de entón tiñan precedente. En 1841 El Iris del Bello Sexo ?qué revelador? comeza a chamarse El Iris de Galicia. O galeguismo pro