128
BOLETÍN DA REAL ACADEMIA GALEGA
gresista aflora desde as cabeceiras: Revista de Galicia, El Idólatra de Galicia, El Emancipador Gallego, La Situación de Galicia, El Centinela de Galicia. A tradición crítica dese primeiro galeguismo (que foi no país atlántico ?por contraste con Cataluña e o País Vasco? liberal en exclusiva) resultará moi útil en anos posteriores, cando os progresistas naveguen contra corrente, sendo a acción galeguista a única maneira discreta de facer política... en Galicia. Tras dos pronunciamentos e despronunciamentos daquela década, incorpóranse eses animadores á prensa de Madrid, despois de ter vivido moi diversas experiencias persoais como desterrados clásicos. A maior gloria do periodismo madrileño e do galeguismo histórico. Só a eles se debe que a analoxía IrlandaGalicia se politizara ata o extremo de se converter en cuestión de Estado. O caso dos redactores e colaboradores de El Porvenir é paradigmático. En 1845, dentro desta liña de acción progresista, aparece como ?Revista de la Juventud Gallega?, dirixida por Antolín Faraldo (n. en Betanzos, 1822). Xunto a el exercen papeis máis ou menos destacados homes da súa andaina, protagonistas composteláns dos alzamentos do 40, 43 e 46, radicados en Madrid con posterioridade: o propio Faraldo, Antonio Romero Ortiz (Santiago, 1822), Eduardo Chao (Ribadavia, 1820), José Rúa Figueroa (Santiago, 1820), Eduardo Ruíz Pons (A Coruña, 1819). No núm. 3 publica El Porvenir este comento:
Galicia es para las otras provincias de la Península lo que la Irlanda respecto del Reino Unido, antes de constar por entero el infatigable O'Connell, su capacidad y su denuedo en favor del país.
José Pardo Bazán (A Coruña, 1827), deputado católico progresista, tivo o acerto de retomala analoxía atlántica para metela nas Cortes do Bienio 18541856. O pai de Emilia Pardo Bazán conseguiu que tivese continuidade informativa no periodismo madrileño. Amigo de Calvo Asensio, La Iberia insistirá nela. Progresistas e demócratas, relacionados co prestixioso diario madrileño (logo verémolo caso excepcional dos progresistas e os demócratas de Vigo), mantivérona vixente durante décadas. Concepción Arenal (Ferrol, 1820), Eugenio Montero Ríos (Santiago, 1832), os Chao, Manuel Murguía, cadaquén ó seu modo, farán dela un dos nós temáticos máis orixinais e fascinantes do galeguismo e o agrarismo progresista. O seguidismo dos modelos particularistas de vascos e cataláns ?tan distintos dese galeguismo orixinario e orixinal? é moi