BOLETÍN DA REAL ACADEMIA GALEGA
Traballos de investigación e estudo
Pra entender algo da grandiosidá de esta regalía, hai que saber que solo en Roma hay outra igual, mais non é sinon de 25 en 25 anos, e con mais obligacions de penitencia; e en Compostela é, como vai dito, todos os dias do ano que cái en Domingo o dia 25 de xulio. Así é que n'este siglo tócalle haber trece anos santos, e tócalle ser os tres últimos os anos 1880, 86, e 97. ¿Non vos parece, meus amiguiños, que ésta grandiosa regalia vale máis, que todo o ouro do mundo? ¿E non chorades d'alegría pensando nô grande thesouro que temos en Hispanha? ¡Ay, meus amigos! Ista gran regalía témola pô la bondá da Santa Iglesia. O primeiro que nos la dóu fúi o Padre Santo Calixto II, quen, sendo [4.1] Bispo de Viena, veu en peregrinacion á visitar o sepulcro glorioso do noso Santo Apóstol, e despois fúi confirmada por os Papas Euxenio III, Anastasio IV, e Alexandro III. Decide ahora, meus amiguiños: ¿Cantas gracias non debemos dar decote á o noso bon Deus por tales favores? ¿E non sabédes tamén os muitiños máis que nos fixo por medio do noso Santo Apóstol? ¿E non sabedes canto nos axudóu contra os mouros? Vou á decir un d'eles. Os mouros eran muy usureiros e deshonestos: non lles bastaba roubar cartos, e alhaxas, e terras, e homes pra esclavos; tamén arroubaban doncellas cristianas pra facer burla délas. Por mal dos pecados perderon os cristianos un dia grande batalla, e o rey mouro púxolles condicion afrentosa de darlle cada ano cen doncellas cristianas das mais nobles bonitas é guapas. E d'ista calamidade librounos o noso Santo Apóstol. Veredes como. O señor rey cristiano D. Ranimiro que o era de Asturias, Galicia e Leon, repúxose á dar o infame tributo das cen doncellas: entonces o galopin rey mouro Abderramen axuntóu un exército dun sin fin de mouros pra acabar cos cristianos. Víronse istes muy pretos, e en grandísimo peligro no pr[i]meiro dia da batalla, e a noite tuveron que acollerse a montaña de Clavixo na Rioxa. Mais no segundo dia baixaron do monte, ¡parecían leons! e atacaron de duro á os mouros. Entonces, tanto mouros como cristianos, viron todos que por o aire viña un gran Señor nun cabalo blanco, e tiña na man isquerda un'a bande[i]ra con cruz, e na dreita un sable que parecía botar chispas de fogo. E isto animóu máis á os cristianos, e acabóu d'aterrar á os mouros, que deron en fuxir á pés pra que vos quero; e n'aquel dia, dicen as historias mais seguras, que uns setenta mil mouros [4.2] quedaron mortos buscando á sua media luna debaixo dos pés dos cabalos, roendo pedras, comendo terra, e borbollando sangre... Os demáis foron á buscar a sua media luna o máis lexos que puderon á uña de cabalo, sin atreverse á mirar pra o aire, por non ver outra vez á o guerreiro do cabalo blanco. ¿Quén era aquel Señor? Escuitade. Na noite seguida á o primeiro dia da batalla en que os mouros ganaron terreno, o señor rey D. Ranimiro quedóu muy cabiloso, e muy angustioso, e cheísimo de pena, e dis
Nº 367
242