BOLETÍN DA REAL ACADEMIA GALEGA
Documentación
4.5 Erratas O texto presenta algúns síntomas de desaliño. Hai unha errata dic por dico (1,25). Falta texto en 1,42 e quedoulle atrás en 1,5 e 2,11 que neste caso salvou sobreescribíndoo. 4.6 Datación destes fenómenos gramaticais en documentos latinos de Galicia Datos de GALADOC (Corpus Documentale Latinum Gallaeciae) Forma ou variante morfolóxica Data máis antiga Data máis recente Karitate 935 1123 Medipsos 880 1103 Pacientia 1217 1217 Pacienti(bus) 1202 1266 Propicius (810) 1103 1256 Exibeamus 872 1232 Hostendam 911 1291 Appropiare 1156 1170 Consultamos GALADOC na hipótese de que este ms. fose redactado aquí. Sen embargo a consulta de GALADOC (que contén documentos e non códices) require certo tacto. Que medipsos non nos deixe vir máis acó do inicio do XII, mentres que pacientia nos trae ó XIII, débese a que nos documentos latinos de Galicia a primeira desas dúas palabras aparece dúas veces; e a segunda, unha única vez; e tan baixa frecuencia fai que a datación do fenómeno sexa máis casual ca fiable. Sabémolo porque, cando buscamos en palabras distintas os fenómenos gramaticais que caracterizan estas oito palabras, encontrámolos antes e despois desas datas. E, se, en vez de documentos, consultamos códices, acontece o mesmo: o Misal de Ourense, datado na fin do XI e principios do XII, o Misal de Compostela (datado no segundo tercio do XII) e o Códice Calixtino de 1188 atestan estes fenómenos48 nos séculos XIXII. Ademais, para podermos pensar que estes catro códices foron escritos aquí, esas peculiaridades lingüísticas son necesarias pero non son suficientes, porque xa as encontramos dispersas en mss. litúrxicos do séc. X de Italia, Alemania e Francia49, mesmo se hoxe en francés se escribe patience e non *pacience. Resumindo, as peculiaridades lingüísticas deste ms. pódense documentar na fala case dende o inicio da nosa era; e nos textos litúrxicos, a pesar da súa férrea fixación, tamén afloran noutros lugares da Romania. Polo tanto, non sendo exclusivas dun territorio ou dunha época, non dan certeza ningunha sobre tempo e lugar de redacción deste ms. Como moito, suxiren certa coherencia cronolóxica coas que presentan os mss. litúrxicos galegos dos séculos XIXIII.
Nº 362
288