MANUEL MURGUÍA
231
rables túmulos, que se conservan en Galicia, como los restos de la cerámica que en ellos se hallase? (1901: 564). Así mesmo, o difusionismo como base teórica das interpretacións da cultura material subxace a toda a obra murguiana. É constante a procura de paralelismos entre as formas monumentais, as casas castrexas, as gravuras, as pinturas... da arqueoloxía galega e as aparecidas en Irlanda, Escocia ou Gales, e o que se busca con elas é precisamente xustificala difusión dun tronco común: o céltico. Naqueles casos en que non é capaz de atopar esas semellanzas, Murguía non deixa de manifestar canto desexaría telo acadado, como sucede coa suposta inscrición celta achada en Mondariz, e que aínda ninguén foi quen de descifrar á luz dos paralelismos célticos (1915b). Incluso se chegará ó extremo de pretender explicala aparición de megálitos en América como froito de migracións arias (1865: 485). O historicismo cultural, pola súa parte, nun historiador con orientacións políticas de corte racista, conduce a un permanente escudriñamento de particularismos históricos que axuden na xustificación da superioridade céltica e galega: raza, territorio, lingua, cultura, relixión e unha sorte de ?Volkgeist racial?, tódolos elementos sobre os que se asentará o nacionalismo murguiano se rastrexan na Historia para chegar ata as épocas máis remotas (Cfr. Máiz 1984, Beramendi e Núñez Seixas 1995). E isto, inevitablemente, ás veces obriga a argumentacións forzadas, como a que se brinda ós primeiros eruditos que poñen en dúbida a orixe céltica dos monumentos:
No deja de ser curioso que esos colosales monumentos que se creyeron obras de gigantes, se pretenda ahora, que fueron levantados por hombres de corta estatura y que pertenecían á la chata estirpe que se supone venida de América por el estrecho de Behring (1865: 385).
O último aspecto que indicabamos no que podemos descubrir un Murguía integrado no paradigma europeo de investigación arqueolóxica é o emprego do folclore e da mitoloxía. Se ben é certo que non podemos incluír sen máis a Manuel Murguía na nómina dos historiadores románticos (Beramendi 1984, Barreiro 1988), a súa consideración das lendas e tradicións como fontes válidas para facer Historia si merece tal cualificativo. En Galicia, Murguía reclamaba xa a necesidade de ?un alma inteligente y apasionada? (1888: