230
BOLETÍN DA REAL ACADEMIA GALEGA
Podemos seguir engadindo características que descubrimos na investigación arqueolóxica murguiana e que nos dan conta da súa inmensa contribución ó desenvolvemento desta disciplina en Galicia. Xa mencionarámola inusual erudición de Murguía, que se amosa no seu coñecemento dos achados e das teorías xeradas en Europa. Pero o aprendido polo galego dos avances europeos pode apreciarse tamén na propia actitude de Murguía ante a evidencia arqueolóxica, na súa estratexia de investigación. E é esta concomitancia co paradigma da arqueoloxía tradicional europea a que nos permitirá confirmar ata que punto Murguía supón un salto revolucionario sobre os investigadores galegos anteriores; a partir del, os traballos dos arqueólogos galegos comezarán a achegarse ó nivel dos realizados fóra das nosas fronteiras. A continuación explicaremos por qué. O paradigma de investigación arqueolóxica aceptado comunmente na Europa da segunda metade do século XIX defínese, entre outras, por dúas orientacións básicas: Por unha banda, o seu obxecto de estudio por antonomasia: a forma; o usual era facer exhaustivas análises formais para establecer despois complexas tipoloxías, secuencias evolutivas, estudios comparativos... Por outra, a teoría interpretativa de fondo, que sempre seguía un mesmo proceder: escollíase unha variable do rexistro e analizábase a súa evolución recorrendo á noción de movemento, xa fose no espacio difusionismo ou no tempo historicismo (Cfr. Trigger 1992: 144196, Pellicer 1995) Así mesmo, co desenvolvemento experimentado pola etnografía no século XIX, cobrara un enorme auxe a utilización do folclore e dos paralelos etnográficos para tratar de reconstruílos comportamentos sociais primitivos (Renfrew e Bahn 1993: 27). Todas estas características aparecerán plasmadas na arqueoloxía murguiana, froito desa erudición xa comentada, e así se verificará o seu avance sobre o tradicional atraso deste saber en Galicia. Deste xeito, o primeiro destes aspectos a énfase descritivista faise patente na meticulosa clasificación de monumentos presentada por Murguía, á que xa temos aludido, ou na súa descrición de útiles líticos, que non omite pesos nin medidas (1865: 446), pero tamén na vangardista convicción de que unha secuencia tipolóxica da cerámica sería o mellor método de datación relativa: ?Nada nos diría mejor la época en que fué levantado cada uno de los innume