MANUEL MURGUÍA
91
Ante todo cómpre lembrarmos que este concepto estaba in nuce nos seus escritos dos anos sesenta, así como as fontes das que o toma: os historiadores franceses Augustin Thierry, Henri Martin e Hippolite Taine, que seguen a selos autores máis citados por Murguía, aínda que agora amplía a nómina a moitos outros, case todos relacionados cos nacionalismos europeos ou con propostas federalistas ou descentralizadoras. A maioría continúan sendo franceses (Barrot, Regnault, Tocqueville, Ricard, Proudhon, Mistral) pero aparecen tamén dalgúns outros países: o portugués Oliveira Martins, o español Pi i Margall e os tres ideólogos maiores do nacionalismo italiano, Gioberti, Mazzini e Mancini.6 En todo caso, o desenvolvemento da súa teoría rexionalista esíxelle unha maior elaboración da definición da nación, aínda que as diferentes formulacións que fai non son totalmente coincidentes. E así, á pregunta ?¿Qué é nación??, responde nunha ocasión (1886b), bastante mancinianamente: ?Es una comunidad natural de hombres unidos en común por la morada, el origen, las costumbres, el lenguaje, y que tienen conciencia de esa comunidad?; e noutra (1889a, p. 51) que é unha comunidade que ten ?una raza, una lengua, un territorio, una historia y una conciencia de sí misma?. Deixando á parte as diferencias de matiz, en ámbalas dúas observamos elementos definidores de dous tipos: os obxectivos (raza, lingua, territorio, etc) e o subxectivo/intersubxectivo (a conciencia, sexa dos individuos, sexa da comunidade). É preciso, para unha adecuada caracterización do concepto, saber qué relación establece Murguía entre as dúas clases e, dentro da primeira, entre os diferentes elementos que a integran. Máis dunha vez manifesta Murguía que non considera a conciencia nacional requisito nin elemento constitutivo per se da existencia da nación, para a que abonda con que unha raza entre en comuñón cun territorio e mediante tal comuñón produza un V olksgeist ou carácter colectivo no decurso dunha historia propia. Cumprida esta condición que para el, ó contrario que para Mancini, era necesaria e suficiente, todo o demais, incluída a conciencia, viría dado de seu (1899a, II):
Es cosa que asombra ver cómo en España se tratan estas ideas. Mientras hombres como Taine y Buckle, dando la importancia que en realidad tienen sobre el hombre los agentes naturales, explican tanto los fenómenos sociológicos, como las aptitudes artísticas y su adecuada manifestación, por el país, clima y raza á que pertenece, no aciertan a comprender como un territorio, una raza,