Traballos de investigación e estudo
BOLETÍN DA REAL ACADEMIA GALEGA
A quatro deste se casa en la Louriña don Antonio de Noboa con la señora doña María de Lanzós, y don Juan, su hermano, de allí a no sé quantos días, con la señora doña Aldonça, hermana de don Antonio, viuda que quedó de don Fernando (...) Toda la parentela somos convidados. Son padrinos don Diego de Salvatierra y la señora doña María de Urquiço (Redondela, 1X1598) [II/2139, 166].
A Louriña, onde se ía celebrar o casamento, era señorío da familia de María de Moscoso por vía paterna, e nese momento era titular del o seu irmán Juan de Lanzós. Pardo (1658, fol. 393) confirma o trazado dese parentesco:
Don Antonio Yáñez de Novoa y Lemos fue vigéssimo señor de la casa de Mazeda y de las fortalezas de La Yosa y su tierra, casó la primera vez con doña Isabel de Villafuerte y Guzmán (...) de quien no tuvo sucessión, y assí casó la segunda con doña María de Moscoso y Sotomayor, hija de don Fernando Pérez de Lanzós (...) señor del valle de la Lauriña y de su muger doña Ana de Sotomayor, de quien no tuvo sucessión tampoco.
Poderíase opoñer á identificación desta María como irmá de Juan de Lanzós o distinto tratamento con que ambos se dirixen a Diego Sarmiento de Acuña, pois el chámao «tío» e ela diríxeselle como «primo», tanto nas cartas editadas por nós coma en todas as que temos consultado [RB II/2177, 33; II/2117, 20; ou II/2137, 50]. A relación de parentesco destes irmáns co conde de Gondomar remonta a Inés Enríquez de Monroi (Crespo: I 133), avoa paterna de María de Moscoso e Juan de Lanzós e irmá de García Sarmiento de Sotomaior, pai de Diego Sarmiento de Acuña: isto é, o receptor da carta é curmán da nai dos seus correspondentes, que se poden acoller á tradición de chamar tíos tamén aos curmáns e tíos de seus pais (e primos aos fillos destes, como fai don Juan) ou á de chamar primos ou segundos primos aos curmáns de seus pais (e aos fillos destes, como fai dona María). As razóns que puideron levalos a escoller un ou outro sistema de tratamento (cf. § 2), no seo da mesma familia, pertencen ao terreo da conxectura, onde polo de agora non quixeramos entrar. 2. Na súa carta María de Moscoso comunica a don Diego as dificultades do seu marido, Antonio de Novoa e Lemos, para facerlle unha visita, pois os preitos obrígano a ir á Coruña e dificilmente chegará a tempo de ir bicarlle as mans. Don Diego está nesas datas en Galicia cumprindo a misión de gobernador da xente de guerra do bispado de Tui. A mesma mensaxe envía o propio interesado por carta en castelán, asinada na mesma data e no mesmo lugar cá da súa muller. Dela tomamos a seguinte pasaxe, que deita luz sobre a que editamos:
A un negocio que se me ofreçe me es fuerza acudir a la Coruña. Confío en Dios volver dentro de veynte días y luego pienso cumplir con mi obligación [vesar a v.m. sus manos] pues respecto della no tengo ya excussa (Laiosa, 27II1604) [RB II/2171, 102].
A continuación María comunícalle o envío a Valladolid dunha cerva que precederá á remesa do macho para completar a parella, coa finalidade de poboar o bosque que don
249 Nº 366