Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
A RECEPCIÓN DA OBRA DE LUGRÍS FREIRE Tanto a obra poética como a obra teatral de Lugrís foron obxecto dun número importante de recensións críticas na prensa e nas revistas especializadas do momento. En cambio, sobre toda a súa produción literaria reinará un silencio absoluto durante moitos anos, que, ao noso entender, estivo motivado por moitos dos elementos paratextuais que describimos nas páxinas anteriores: dispersión en moitos medios de prensa escrita, consideración como un xénero menor e accidental no autor, multiplicidade de sinaturas, ausencia de medios críticos no momento de publicación das compilacións de relatos? De tal xeito que a obra narrativa de Lugrís tivo escasísimo eco para a crítica do momento e para a posterior, se exceptuamos todos os volumes xurdidos con motivo de que se lle dedicase o Día das Letras Galegas no ano 2006 dos que damos cumprida mención na bibliografía. Pretendemos facer, a seguir, un pequeno percorrido polas escasas opinións vertidas por críticos e, nomeadamente, historiadores da literatura galega, sobre a narrativa lugrisiana. Un coetáneo de Lugrís, ademais de compañeiro na Cova Céltica, como era Uxío Carré Aldao dedicáballe unha minuciosa descrición ás obras poéticas do autor de Sada, pero da narrativa só se limitaba a comentar isto: ?La prosa le es familiar y le seduce y atrae. En ella es maestro peritísimo por su conocimiento de todos los secretos del léxico?49. Antonio Couceiro Freijomil, no seu coñecido Diccionario biobibliográfico de escrito50 res non engade nada novo ao afirmar que Lugrís ?cultivó también el cuento breve: su librito Contos de Asieumedre (C. 1909) los contiene muy merecedores de aprecio?. Ricardo Carvalho Calero51 dedica moi poucas liñas á narrativa do noso autor, mesmo deixando sen mencionar O penedo do crime. Dos relatos escribe o que segue:
Lugrís firmou co seudónimo de Asieumedre moitas narracións breves, maormente apólogos ou historietas edificantes, recollidas afinal nun volume. Son en xeral literatura de propaganda rexionalista, en estilo popular, escrita para fomentar na xente o gosto polos textos galegos. Pero soen adoecer, inda as que percuran un máis achegado contacto cos xeitos populares, da desviación característica do autor cara os convencionalismos ideolóxicos e literarios. Non teñen, por exemplo, a autenticidade dos contos de Labarta. Dende logo hainos de variados asuntos, algúns de época, como ?Unha regueifa?, ?A espada do fidalgo?, ?O primeiro sangue?. Un está dialogado en forma de paso de comedia: ?Ir por lan?. Hainos morás, patrióticos, cívicos e sentimentás. Deles pubricáronse en A nosa terra da primeira época (19071908).
A Gran Enciclopedia Gallega52, nunha entrada da autoría de Xosé María Dobarro Paz, dá a coñecer a máis completa biografía de Lugrís daquel momento e dedícalle as seguintes liñas á prosa do noso autor:
Con el seudónimo de Asieumedre ?también utilizó L.U.Gris nos dejó sus Contos de Asieumedre, los cuales dio a conocer en publicaciones periódicas, principalmente A Nosa Terra. Son cuentos de contenidos varios y en su mayoría bastante convencionales.
51
Nº 367