Traballos de investigación e estudo
BOLETÍN DA REAL ACADEMIA GALEGA
cisco de Asís Zelada e Francisco Fernández del Riego), outras tres ingresaron por doazón institucional (a do Mosteiro de Montefaro, a da Casa de América e a de Emilia Pardo Bazán), e as outras doce foron doadas pola familia directa do propietario. Respecto ao tamaño, a máis grande con diferenza é a de Emilia Pardo Bazán, con 7.500 volumes. A continuación, con máis de 3.000 volumes cada unha, están as de Francisco de Asís Zelada (3.489) e Antonio Meijide Pardo (3.000). Superan nuns 2.000 volumes as de Ángel Hermosilla, Antonio González Doldás, Luís Seoane, e Enrique Chao Espina. Por riba dos 1.000 volumes están as de Murguía, Claudio Varela, Parga Pondal e Fernández del Riego. O resto non acada esa cifra, sendo a máis pequena a de Francisco J. Martínez Santiso, qué só ten 103 volumes. A suma dos volumes que forman estas bibliotecas é de 32.218 obras. Se temos en conta que a totalidade dos fondos da Biblioteca da RAG, representan 44.3845 volumes, falamos de que o conxunto das bibliotecas particulares representa o 73% do total da Biblioteca. Deste 73%, as doazóns ?con 28.401 obras? representan o 88% do total, o que reflicte a enorme xenerosidade dunha época. Se analizamos os datos dende un punto de vista cronolóxico, temos que o primeiro ingreso é no ano 1.919, en que entra por doazón institucional a Biblioteca do Mosteiro de Montefaro. E o derradeiro foi no ano 2.006, en que entrou a de Francisco Fernández del Riego. Os resultados por décadas son: dende a fundación até 1919 un ingreso, nos anos vinte do século pasado seis ingresos, nos anos 40 ingresou só unha, nos anos 60 e 70 tres en cada década, nos anos 80 e 90, dúas en cada unha; no que vai deste século cinco. Non houbo ningunha incorporación nin nos anos 30 nin nos 50. Como xa dixemos, a análise temática destas bibliotecas non é obxecto deste estudo; non obstante, a soa mención dos propietarios dános unha idea de cales poden ser as especializacións destas coleccións: a biblioteca de Santa Catalina de Montefaro é fundamentalmente relixiosa, a de Seoane6, unha das mellores en arte, Pardo Bazán, en literatura europea e sudamericana, Galo Salinas, en teatro e Marcial del Adalid, en música..., deste modo vanse adscribindo e enriquecendo as distintas coleccións temáticas da Biblioteca.
NOTAS
1 Só están estudadas tres delas: Axeitos, Xosé Luís (1999): ?A biblioteca de arte de Luis Seoane?, Citania, núm. 2, 2733. Bernal, Diegoe outros (2002): ?Os libros de Fontenla Leal?, BRAG, núm. 363, 313326. FernándezCouto Tella, Mercedes (2003): ?Aproximación ó catalogo da biblioteca de Emilia Pardo Bazán?, La Tribuna. Cadernos de Estudios da CasaMuseo Emilia Pardo Bazán, núm. 1, 251256. FernándezCouto Tella, Mercedes (2005): ?Biblioteca de Emilia Pardo Bazán: procedencias?, La Tribuna. Cadernos de Estudios da CasaMuseo Emilia Pardo Bazán, núm. 3, 293299.
199
Nº 367