BOLETÍN DA REAL ACADEMIA GALEGA
Traballos de investigación e estudo
ron na Academia son cuestións que se pretenden aclarar neste artigo. Con todo, as limitacións das fontes e a metodoloxía utilizada fan que os datos presentados non poidan ser considerados como definitivos, e non se pode descartar que sufran algunha variación ao longo do tempo. Por outra banda, a análise polo miúdo das materias de que tratan os volumes que forman as distintas bibliotecas é unha tarefa que necesita máis tempo e espazo, e que supera os límites marcados ao iniciar este traballo. Pensamos que cada unha das bibliotecas merece a publicación dun estudio específico e individual1. Para o achegamento a esta información utilizamos varias fontes, distintas e complementarias. Todas elas presentan lagoas informativas, máis ou menos importantes, de tal xeito que moitas das veces houbo que consultar os propios libros. 1. LIBROS DE REXISTRO DA BIBLIOTECA. O libro de rexistro da biblioteca é, por definición, a fonte principal para coñecer o proceso de formación da colección. Nel anótanse informacións sobre as obras que se van incorporando á biblioteca: autor, título, volumes, data de ingreso, modo e procedencia. Aínda que, teoricamente, sería a única fonte a consultar, neste caso non foi así debido a distintas razóns que iremos sinalando. No referente aos datos achegados por esta fonte podemos distinguir dúas etapas nas que o ano 1991 marca o punto de inflexión. Neste ano, a raíz dun convenio asinado pola RAG e a Xunta de Galicia, incorporase á Academia persoal técnico bibliotecario e aplícanse con maior rigor as normas de catalogación e os procedementos de traballo propios desta profesión; isto facilitará a consulta da información e o coñecemento da Biblioteca. A partir deste punto, obter a información é máis doado. ? Na primeira etapa, que abrangue desde 1905, en que se inaugura o libro de rexistro, ata 1990 podemos establecer dúas fases distintas 1. 19051930. Nesta fase ingresaron un total de 11.296 títulos, que quedaron asentados en cinco libros de rexistro. 2. 19301991. Non hai libro de rexistro, con todo, podemos deducir que se incorporan 17.704 obras, pois a última signatura dada en 1991 era a número 29.000. ? A segunda etapa vai desde o ano 1992 ata hoxe e nela tamén puidemos diferenciar dúas épocas: 1. 19922003. Incorpóranse 11.219 títulos que quedan asentados en dous libros de rexistro novos. 2. 2003 en adiante. O libro de rexistro manual é substituído por unha base de datos que, aínda que estritamente non se pode considerar un auténtico rexistro, actúa cumprindo a súa función e recolle una información similar.
Nº 367 196