BOLETÍN DA REAL ACADEMIA GALEGA
Estudos e investigacións sobre Xaquín Lorenzo Fernández
O somnífero que adormenta o príncipe é, claro está, o pracer da relación coa amante. A imaxe utilízaa Clarín no capítulo vintenove de La Regenta, onde se di que don Álvaro Mesía, o amante da protagonista, ?conseguía a miúdo facerlle esquecer todo para gozar do delirio amoroso no que sabía envolvela, como nunha envelenada nube de opio?. A CHAVE O motivo do achado da primeira chave para representar a recuperación do marido aparece tamén en «O príncipe encantado», «O castelo de Oropé», «Xoán de Calais», «O home de corno», «Os tres ventos» e ?A rapaza axudante?, que en Galiza se chama Brancaflor e que xa estudei noutro traballo (MARIÑO 1997). A chaves e a pechadura representan os órganos sexuais do home e da muller e, por extensión, o marido e a esposa. O que di o conto, de acordo cos usos, é que a primeria relación, o primeiro matrimonio, debe prevalecer sempre. En resumo, velaquí o conto e a súa tradución cultural:
Un fillo lagarto Ese lagarto quere casar, pero resulta difícil que ningunha muller o acepte Acaba por aceptalo unha de tres irmás pobres A rapaza é capaz de vencer o noxo e darlle un bico ao monstro De noite na cama o monstro saca a pelica de lagarto e recobra o aspecto humano, resultando un mozo lanzal A fin de que se manteña sempre co aspecto humano, a moza decide queimarlle a pelica Cando descobre que a esposa lle queimou a pelica, o lagarto comunícalle que marcha polo mundo adiante e inicia relación con outra muller A esposa busca o seu marido. Vai á casa da amante do marido e móstralle un fuso, un sarillo e unha devandoira. Entrégallos á amante a cambio de durmir co marido. Para impedir que o marido fale coa súa esposa, a amante adorméntao cunha durmideira, de forma que a esposa non pode darse a coñecer. Mais alguén lle axuda ao marido a que non quede durmido e poida falar coa esposa e recoñecela O protagonista pregúntalle ao pai da amante que chave é a mellor para un baúl, a primeira chave ou a copia. A resposta é afirmativa. Os esposos reúnense por fin
Nº 365
Un fillo mala persoa Ese fillo mala persoa quere casar, pero resulta difícil que ningunha muller o acepte. Acaba por aceptalo unha de tres irmás pobres É a rapaza capaz de darlle cariño ao mozo mala persoa Mediante a relación sexual, a esposa logra que o marido mellore o seu carácter Visto o comportamento do esposo nos momentos de relación amorosa, a moza pensa que el xa superou completamente os seus defectos Pero a esposa equivócase. Non debía ser tan impaciente. Pretendeu cambiar o marido antes de tempo. A consecuencia é que o esposo buscará fóra da casa aventuras amorosas A esposa decide esforzarse por recuperar o seu marido. Faille ver as súas cualidades. Móstralle que é unha muller traballadora, hábil nos labores relacionados co fío, que son dos máis pesados dos que se encargan as mulleres na sociedade tradicional Pero non resulta fácil que a esposa recupere o seu marido porque a amante reteno cos lazos do pracer sexual Alguén lle axuda ao marido a que saiba recoñecer os méritos da súa esposa. O protagonista plantéase, e plantéalles aos parentes da amante, se o primeiro matrimonio debe prevalecer sobre calquera outra relación. A resposta é afirmativa. Os esposos reúnense por fin.
212