BOLETÍN DA REAL ACADEMIA GALEGA
Estudos e investigacións sobre Xaquín Lorenzo Fernández
sen que ela o notase. Asustada, botou un berro, e nese mesmo momento sentiu un gran tremor no palacio, desapareceron o río e as lavandeiras, e o mozo, que espertou cun sobresalto, púxose dereito. Indo cara á moza, díxolle con moita tristeza: ?¿Qué fixeches, desgraciada? Eu son o xigante, que estaba encantado. A túa prudencia ía desencantarme, e mañá sairiamos de aquí felices para sempre; pero o berro que botaches obrígame a matarte, ou a volver a ser encantado non se sabe até que día? (ALMODÓVAR 89). A versión estremeña do príncipe sapo ten interese porque mostra que nalgún caso o fallo no desencantamento no ten remedio. Nela o protagonista morre tan pronto como a súa esposa lle queima a pel, sen darlle a oportunidade de que se arrepinta e intente conquistalo de novo, de modo que ela non logra ser feliz no resto da vida: ?Matáchesme sen querer; só me faltaban tres días para saír do encanto porque encontrara unha muller que me quería, e es ti, e así me mataches ?dixo o pobre Sapiño e quedou morto. A moza, desconsolada, contoullo á raíña, e as dúas choraron a felicidade perdida e a desgraciada morte do namorado Sapiño. E non viviron felices porque tiveron sempre o recordo do querido Sapiño? (CAMARENA 3001)
O PRÍNCIPE MARCHA, EMPRENDE OUTRA RELACIÓN A versión de Calvos di que despois do frustrado desencantamento o lagarto ?botouse polo mundo adiante sen saber a onde ía parar, mais tivo a sorte de meterse nun reinado onde falou coa filla do rei e namoráronse un do outro?. Pero a esposa non se rendeu. Buscouno por todas as partes. Na versión castelá a esposa, acompañada polo seu filliño, terá que andar e andar ata gastar sete pares de zapatos de ferro antes de encontrar o seu marido. Saberá del o día en que acaba de casar con outra princesa. Eses zapatos de ferro, que aparecen en moitos contos, serven para simbolizar a inmensidade e a dureza do camiño, ou sexa, dos sacrificios que haberá que facer na vida para recuperar unha persoa perdida. Ás veces as parellas, despois dun feito que as distancia, rompen definitivamente (CURIEL 268). Pero aos autores dos contos interésalles, sobre todo, ofrecer posibles solucións aos conflitos. Por iso na maioría dos casos os protagonistas acaban superando o período de distanciamento. Mostran que a verdadeira unión chegará cos anos, despois de superar grandes dificultades xuntos, despois de verdadeiras mostras de amor, non de simple namoramento. Os responsables da separación han de sufrir durante anos para emendar o fallo; na simboloxía dos contos, han de sufrir no camiño da vida, durante longas xornadas. De aí que camiñen por sete países, por varios planetas ou gasten zapatos de ferro. Mais, como na vida real, nos contos marabillosos non sempre é o culpable do distanciamento quen se esforza por solucionalo. A miúdo unha esposa ou un esposo inxustamente abandonados pola súa parella poñen todo o seu empeño en reconquistala.
Nº 365 208