MANUEL MURGUÍA
205
sobre as dúas primeiras, que estouparon unha en 1876/77, e outra en 1879/80. A terceira, xa comentada hai tempo por J. L. Varela (1958: 11825), foi, máis ca unha polémica, unha serie de debates que comezou en 1886 a raíz dun discurso no Ateneo de Madrid, continuou no ano seguinte, con artigos de Juan Valera e réplicas desde Galicia, e culminou entre 1888 e 1891. Significativamente, esta terceira cadea de debates xa non ten ámbito exclusivamente (nin sequera fundamentalmente) galego, senón que atinxe as altas esferas intelectuais da capital do Reino. Finalmente, hai que referirse non propiamente a unha polémica, senón ás discusións de 1896, protagonizadas polo propio Murguía, que arremete nun artigo contra J. Valera, e nunha serie deles contra E. Pardo Bazán. Sobre o debate Valera/ Murguía, ou máis ben a pretexto del, publicou un artigo o lembrado profesor Ricardo Carballo (1977). Á primeira discusión (lembremos as datas: 1876/77), provocada por Valentín Lamas desde as páxinas de El Heraldo Gallego, e na que participou unha boa parte da prensa galega, non comparece Murguía. A simple proposta, lanzada polo polígrafo ourensán, de que os xornais galegos inserisen con regularidade nas súas páxinas escritos en galego, serviu para evidenciar nas contestacións case unanimemente negativas dos periódicos galegos a extensión e profundidade dos prexuízos enraizados na propia Galicia contra o idioma do país. No segundo debate, desenvolvido a seguir dunha serie de artigos de Gumersindo Laverde sobre o asturiano (Laverde 1879) que volveran espertar interese por estas cuestións nas páxinas de La Ilustración Gallega y Asturian a (1879/80) ?revista da que era director o propio Murguía? entra en escena o noso autor, cun breve pero interesante artigo (Murguía 1879), provocado por unha nota do catedrático do Instituto de Ourense J. Sieiro (1879). Este debate ecoa en intervencións que no ano seguinte dan a lume na mesma revista A. Vicenti e A. Balbín de Unquera. Os temas centrais desta polémica ben poden resumirse nos títulos dos artigos de Murguía, ?¿Desaparecerán los dialectos?? e Balbín de Unquera, ?¿Cómo deben cultivarse los dialectos??. Da posición de Murguía, convén reter unha primeira afirmación: ?No falta quien diga y afirme que los dialectos están heridos de muerte. Es posible, porque creer en su desaparición es ya iniciarla?. Afirmación que expresa de xeito intuitivo e certeiro unha verdade hoxe recoñecida pola sociolingüística: que o porvir histórico