Estudos e investigacións sobre Xaquín Lorenzo Fernández
BOLETÍN DA REAL ACADEMIA GALEGA
go Jorreto (1975), César Portela (1981) ou Rafael Tojo (1991), así como os que analizan os asentamentos humanos, con traballos de Otero Pedrayo, Georg Niemeier, Alain Bouhier, González Reboredo, Pérez Alberti e Fariña Tojo. O influxo exercido neses estudos por Xaquín Lorenzo reflíctese nos traballos dos autores citados e noutros moitos que teñen contribuído a fornecer de publicacións monográficas ou de conxunto á hoxe nada desdeñable bibliografía existente sobre o patrimonio inmobilidario construído de Galicia. Se temos en conta que o seu traballo practicamente partiu de cero, pois, como reiteradamente se vén dicindo, na época en que o fixo non había máis que algunhas monografías relacionadas con temas determinados, como pallozas, hórreos, aspectos xeográficos e asentamentos humanos, resulta aínda máis meritoria a confección do texto referencial. Desas carencias xa se laia o autor no Limiar xa que fallan os ?precedentes en que poideramos aproveitar exprencias alleas, especialmente no que toca á sistematización do material recollido? (LORENZO, 1962: 7). En efecto, nos traballos e estudos que se realizaron posteriormente, así como no proceso de reactivación do patrimonio etnográfico, tivo que ver, tal como manifesta Sierra ?non tanto a obra directa de Xocas, como a traducción e interpretación que fixeron e fan moitos dos seus difusores axudando a comprender moitas das manifestacións e maneiras que rodean a creación e montaxe de museos e coleccións etnográficas, así como a restauración de moitos elementos da chamada arquitectura popular? (SIERRA, 1999: 73). Entre as novas contribucións aos estudos sobre arquitectura popular achegadas polos traballos dos estudosos que viñeron despois está o seren realizadas cunha metodoloxía moderna, o que permite facer unha mellor sistematización dos contidos tanto nos aspectos que atinxen ao territorio coma nos construtivos e de clasificación tipolóxica por zonas xeográficas, acusándose de xeito notable nos diferentes modelos de casavivenda e nas construcións adxectivas. POSTURA
DE
XAQUÍN LORENZO
DIANTE DA SITUACIÓN DE CAMBIO
PROVOCADA POLA MODERNIDADE
No Limiar da súa grande obra Xaquín Lorenzo manifestaba que ?A Galiza atópase nun intre de transformación e o conxunto da súa cultura que eiquí recollemos perderáse aixiña, sustituido polos aparellos da nova técnica que fan xa acto de presencia antre nós e que orixinarán unha transformación total na vida das nosas xentes, desvencellándose da terra e xunguindoas, en troques, á insensibilidade do artiluxio mecánico? (LORENZO, 1962: 7). De certo, o proceso de cambio, iniciado xa a mediados do século XIX, significou no país galego unha mutación social e económica profundas, o que provocará no medio rural un notable descenso demográfico e un importante proceso de urbanización e terciarización que modifica, altera, destrúe ou fai desaparecer parte do patrimonio da cultura popular. Iníciase así unha etapa, que aínda continúa, de modificación da
25 Nº 365