BOLETÍN DA REAL ACADEMIA GALEGA
Traballos de investigación e estudo
lecturas erradas etc. Vexamos algúns deles a título de exemplo, restrinxíndonos unicamente á letra A: 1. NA FONÉTICA a) Un dos problemas que ten suscitado moitos debates nas linguas ibéricas, en xeral, e no galego en particular, é a redución non sistemática de nd a n, fenómeno en certo modo paralelo ao de mb >m. Esta redución vai perdendo vitalidade a medida que avanzamos do oriente cara ao occidente na Península Ibérica, pero non por iso é totalmente descoñecida na lingua galega. Pensado ofrécenos a documentación dunha forma alfónega, variante sen dúbida de alfóndega. b) No galego actual existen unha serie de subsistemas de sibilantes, distribuídos xeograficamente, uns que diferencian os resultados dos fonemas medievais /ts/ e /s/ e outros que desfonoloxizan esta oposición. Nesta documentación atopamos un número considerable de casos de confusións medievais entre estes dous fonemas: algasiles (e jueses). Especialmente curiosa é a forma Asimentis (documentada en Vis Barcala), que é unha realización seseante da expresión latina ?a cimentis?. c) Ás veces apunta problemas fonéticos que considera interesante indagar desde a época medieval, como a vacilación de en, an e on iniciais en palabras que etimoloxicamente deberían comezar por ?en. Tal é o sentido da entrada : ?Alternancia de an/ en/ on: antre / entre / ontre y antroido / entroido / ontroido?. Pensado non ofrece nesta entrada ningunha cita nin exemplo de documentación de ningunha destas formas, nin lles dá cabida tampouco ás entradas antre, entre, ontre, antroido, entroido, ontroido, o que parece indicarnos que unicamente inseriu esta ficha para non esquecerse de introducila, e que a documentación con estes datos a debía ter noutro lugar, para copiar no momento en que fose publicar o traballo. 2. NA MORFOLOXÍA a) No galego actual, algún sistema dialectal presenta nos adverbios de lugar, ao lado de aquí ? aí ? alí e acá ? alá, outra serie en ?ó: acó ? aló. O profesor Pensado dános conta nestas notas dunha forma aló, documentada xa no 1414. b) O paradigma máis estendido das formas do pronome persoal tónico en función de suxeito é no galego actual el, ela, eles, elas, e, de maneira semellante, nos demostrativos de terceira persoa: aquel, aquela, aqueles, aquelas. Pero existen falas que posúen un paradigma con vogal i nas formas do masculino e e nas do feminino: il / ela; aquil / aquela. E aínda hai outras nas que a vogal i se estende tamén ás formas do feminino: il / ila ; aquil / aquila. Pensado cita un documento de Oseira (do 1258) no que aparecen xa as formas con i no demostrativo de terceira persoa masculino e feminino: ?vendemus a sexta do casal dictu de Quintana, d aquil quasal que chaman de Fundo da Vila?? ?u nosso quinum d ?aquila leyra de Pomarino?.
Nº 367 206