Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
date?, e Xan Beltrán e Muíños, que recibe a dedicatoria de ?A Covadanca?. De maneira recíproca, tamén Lugrís recibe abondosas mostras de afecto por parte doutros escritores, como é o caso de Otero Pimentel que, co pseudónimo Luis de Outeiro, dedícalle o relato ?Truadas de rapaces?37; Galo Salinas dedícalle ao noso autor o conto ?Os xenios?38 e Uxío Carré, asinando como Xan do Martinete, o titulado ?Axúdate que Dios che axudará?. Ademais do grao de amizade ou proximidade a estas persoas, o que veñen a demostrar as dedicatorias é a total integración de Lugrís Freire dentro do mundiño cultural galego e galeguista de finais do século XIX e comezos do XX. Parte dos textos publicados por Lugrís no semanario A Nosa Terra viron a luz en formato libro en datas posteriores. Así, no ano 1908 apareceu un breve opúsculo que contiña estes oito relatos: ?A nogueira?, ?Homero?, ?Axúdate?, ?O primeiro sangue?, ?¡A xusticia!?, ?A libertade (O lobo e mailo can)?, ?O xiro do sancristán? e ?¡Boa proteición!?. O folleto foi distribuído de balde entre os labregos que asistían aos actos políticos do sindicato Solidaridad Gallega, dos que Lugrís Freire fora un dos fundadores e unha das principais cabezas visíbeis. Malia ao seu reducido tamaño, estamos diante dun dos primeiros bestseller da literatura galega, xa que a súa tiraxe foi de 20000 exemplares. O folleto, que contaba cunha austera portada, foi ilustrado no seu interior por F. Cortés, que incluíu en cada un dos relatos cadanseu debuxo alusivo ao contido do texto respectivo. Ademais, no encabezamento de cada conto figura unha banda decorativa con motivos xeométricos ou florais, e no peche de cada relato pode verse unha miniatura realizada con tinta chinesa con motivos animais ou humanos. O breve volume está precedido dun prólogo titulado ?¡Xuntanza!? que, pola súa importancia e singulariedade dentro da narrativa lugrisiana ao ser o único prólogo do autor a unha obra narrativa da súa autoría incluímos de seguido, ademais de ofrecernos unha idea clara dos obxectivos de Lugrís ao escribir estes textos:
¡Xuntanza! ¿Quen non reparou nesas vellas torres postas nos cumes dos montes, que, espalladas a ducias pola nosa terra, vense hoxe desfeitas, sin portas nin sobrados, abertos os muros, terraplenado o antigo foso que lles daba a volta? Nelas viviron noutro tempo us homes que se chamaban señores da terra que desde elas vían: condes, marqueses, abades e priores. Nelas tiñan estes homes tulla para cobraren rendas e froitos, arcas para gardaren os diñeiros dos laudemios e do botín; xentes de armas pra darlles escolta ou pra saíren en guerra; forca e calabozos pra as súas xusticias? de inxusticias e crueldás. Nelas facían baluarte cando andaban en guerra us cos outros, que era de cotío, ou cando lles petaba de divertirse arrasando leiras e pomares, queimando casas, arroubando hórreos e gando, pillando mulleres, acuchillando homes si lles viña en gana? Mais chegou un día no que tantos aldraxes acabaron coa paciencia das xentes da terra; e a terra ergueuse enteira contra os señores nunha grande hirmandá, que se chamou dos hirmandiños gallegos. Tólolos pecheiros, mariñás e montañeses, artesanos da vila e labradores da aldea xuntáronse en Mondoñedo, en Monforte, en Tui, en Ourense, en Betanzos e Sada. Corréronse aviso, puxéronse en tropa con fouces e bisarmas? e foron e tomaron aquelas fortes torres e castelos facendo fuxir ós señores. E pra que os señores non volvesen,
45 Nº 367