BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
derrubaron as portas de ferro, queimaron os teitos e sobrados, encheron os fosos, desfixeron as paredes. Quedaron as pedra pra memoria. Xa fai máis de catrocentos anos, e o recordo daquelo vaise perdendo. Mais convén que non se perda: porque hoxe hai outros homes que non son aqueles condes, marqueses nin abades, que son tamén señores da terra que ven desde a súa casa; que non aforcan con corda, pero afogan con tributos; que non meten en calabozos, mais envolven en papel sellado; que non desterran xente, pero fannos emigrar; que non valeiran hórreos, nin furtan gando e colleitas á man armada, pero quítano con préstamos e embargos; que non rouban mulleres pero as fan súas, nin acuchillan homes con espadas, pero si con aldraxes, espoliaciós e inxusticias de toda casta? Son os caciques. Seus castelos non teñen almeas, nin están cimentados en pena como aqueles outros. Están fundados na trampa das leises nada máis. Ben o sabedes: son o auntamento e mailo xusgado. ¿Quen non ten agravios? ¿Quen non pechou os puños algunha ves frente a un deses castelos das inxusticias de hoxe? Pois ben, labradores. Máis fácil é tomar estes que aqueles outros. Como se fundan no aire, no aire da trampa, abonda con conocela lei e facer bon uso dela. O caciquismo vive trampeando a lei. Pode trampeala porque vós a iñorades, e non usades do voso dereito. O medo que tedes ó cacique vén desa iñorancia. E ese medo é todo o poder do caciquismo. Non ten outro. Xuntádevos, pois, como pasa de catrocentos anos se xuntaron os vosos antepasados. Facede unión en cada aldea, sociedá en cada municipio; federación en toda a terra, que quer dicir sociedá de sociedades, unha hirmandá grande como aquela dos hirmandiños? E sin fouces nin bisarmas nas mans, sinón coa lei nas mentes e sin medo no peito, conquistade o voso auntamento a votos, elixindo concexales; sitiade o voso xusgado por fame, dirimindo na vosa sociedá as vosas intercadencias, sen ir donde vos incirran e encizañen pra pleitear. Atendede. O cacique fai no auntamento a súa voluntá porque ten postos concexales que lle firman e legalizan o que quer. Poñede vós concexales vosos, o mellor de cada parroquia; que pra eso é o dereito de votar que ten todo home maior de 25 anos? ¿Qué fará o cacique no auntamento sin concexales que lle firmen o que quer? Nada. Atendede aínda máis. O cacique fai no xusgado o seu capricho porque, no civil, vades xunto del buscar xusticia, sabendo que non a hai alí; e porque no criminal, en troques, non vades a decir o que sabedes, sabendo que declaran testigos falsos. Tedes, pois, que facer arbitraxes na sociedá vosa, e teredes xusticia no civil. Facede peito contando coa defensa da sociedá pra declarar sempre a verdá que sepades, e teredes xusticia no criminal. ¡Xuntanza, labradores, xuntanza en sociedades dentro da lei! A traballar pola nosa terra, por Galicia, pra que nela reine a xusticia, que é o fundamento do progreso.
Na edición de 1909 figura na capa do libro o título Contos cun corpo de letra bastante grande en relación co formato do libro, e nun tamaño algo menor aparece o pseudónimo do autor, ?por Asieumedre?. Tamén anuncia a portada que o libro contará con debuxos de F. Cortés e é precisamente un deses debuxos, que representa a un tipo popular, o que ilustra a capa da edición máis coñecida dos relatos de Lugrís Freire. Só nas páxinas interiores figura o título Contos de Asieumedre e podemos ler entre parénteses o ortónimo do autor (M. Lugrís Freire), ademais de aparecer aí tamén a data de publicación e a editorial, a coruñesa Tipografía e Litografía L. Lorman.
Nº 367 46