Estudos e investigacións sobre Lorenzo Varela
BOLETÍN DA REAL ACADEMIA GALEGA
tres restantes levan, na parte inferior, a rúbrica de Cojuelo. Unha nova referencia ao Século de Ouro da literatura española descobre ou ratifica a man de Lorenzo Varela detrás deste particular recanto do Correo. O alcume de Cojuelo procede do demo protagonista de El diablo Cojuelo, a novela que Luis Vélez de Guevara publicou en 1640. A obra de Vélez de Guevara encádrase de certo xeito na tradición picaresca do sistema literario español. O estudoso Ramón Valdés asegura que malia a ser ?casi un tópico negar su carácter picaresco [...] no lo son en absoluto [elementos alleos á picaresca] el carácter episódico del Cojuelo ni la sátira de costumbres?28. De calquera xeito, ben se podería afirmar que onde si hai picaresca é na retórica empregada por Lorenzo Varela para afinar as súas premáticas e os seus desafogos. Así, cando se presenta o demo Cojuelo na novela de Vélez de Guevara, descríbese a si propio a través de palabras que a pluma de 'Premáticas y desahogos' asumiría totalmente: ?[...] demonio más por menudo soy. Aunque me meto en todo. Yo soy las pulgas del infierno, la chisme, el enredo, la usura, la mohatra; yo truje al mundo la zarabanda, el déligo, la chacona, el bullicuzcuz, las cosquillas de la capona, el guiriguirigay, el zambapalo, la mariona, el avilipinti, el pollo, la carretería, el hermano Bartolo, el carcañal, el guineo, el colorín colorado29; yo inventé las pandorgas, las jácaras, las papalatas, los comos, las mortecinas, los títeres, los volatines, los saltambancos, los maesecorales30, y, al fin, yo me llamo el Diablo Cojuelo?. As premáticas e os desafogos poden facer parte desta listaxe de pecados e a Varela mesmo lle acaería a teoría que o profesor Valdés emite respecto do Cojuelo: ?puede simplemente ser una denominación más aplicada al maligno, al que la tradición aplica varios nombres. En las Sagradas Escrituras y en la tradición patrística y medieval, se puede llamar al Diablo: Satanás, Belial, Belcebú, Lucifer, Astarot...?31. Advírtese, xa que logo, que na escolla de Cojuelo como pseudónimo para asinar 'Premáticas y desahogos' opera algo máis ca casualidade. O pequeno, astuto, rebelde, agudo, espelido, demo Cojuelo cadra coas intencións irreverentes da sección de Varela nos doce primeiros números do Correo Literario. E precisamente esta irreverencia con todo, contra todo, maniféstase até o punto de que, segundo María Antonia Pérez32, a Lorenzo Varela non se lle permitiría utilizar a ?aguda ironía? e o ?humor sarcástico? de 'Premáticas y desahogos' a pé feito de determinados escritores coñecidos nunha revista do xorne de Cabalgata, pagada por unha editora33. MATERIA DE DESAFOGO Os pequenos textos que compoñen as 'Premáticas y desahogos' tratan, cun estilo áxil e un trazo atento a todo o que acontece, as correntes de forza, as actualidades, as polémicas, as vinganzas da paisaxe cultural percibida por exiliados republicanos galegos na Arxentina. Pero, asemade, adivíñanse as querenzas e as escollas mesmo estilísticas da man que mexe a sección. A parodia, adoito a ferramenta ou a arma coa que Lorenzo Varela ataca dende esta atalaia do Correo Literario, mesmo incide no propio poeta. A
53 Nº 366