Eladio Rodríguez González
BOLETÍN DA REAL ACADEMIA GALEGA
da Academia, a figura de Eladio Rodríguez parecía a solución adecuada para encauzar novamente a vida académica. Así o recoñece Antón Villar Ponte nunha entrevista que lle fai Ramón Suárez Picallo para Céltiga:
O terceiro presidente ?boa persoa, outo cabaleiro ?xa non era digno do posto. Porque non coñecía o idioma galego nin o sentía. Agora tencionaban agancharen á presidencia outros siñores, respetabres socialmente, pro descoñecedores da nosa lingoa e cecais enemigos d'ela. Pro o bo senso impúxose. [...] e na Cruña, oxe, somentes había entr'os académicos de número dous en verdadeiras condicions; querse decire, conocedores do galego e amantes do galego: Lugrís Freire e Eladio Rodríguez, e o segundo, porque eisí o quer a mayoría dos inmortaes, vai á presidencia. Con el romatará a absurda paradoxa, en ningures rexistrada, e soilo na Galicia posibre, de que poidera presidire un organismo encarregado de limpiar, fixar e dar esprendor a un idoma, un individuo que nin coñecía ese idioma e se avergoñaba d'ouvilo falar a alguns académicos. Velahí un trunfo novo do galeguismo. Eladio Rodríguez González, ha ser un bo presidente ?atrevome a volo profetizare dende logo o primeiro presidente francamente galeguista. ¿...? A Academia agora vai a se remozare. Agora entrará n'ela xente nova: Risco, Cotarelo, Castillo, Martínez Morás e mais eu. Axiña se lles procurará entrada a Otero Pedrayo, Castelao, Cuevillas e outros. Con estes elementos e con alguns bos ?bos no senso galeguista que xa hai nela coma Lugrís Freire, o veterán do enxebrismo, Eladio Rodríguez González, Cabanillas, Banet, Fontenla, etcétera, as cousas, coidamos que camiñarán por millores vieiros (Villar Ponte 1926).
Como vemos, non foi a falta de medios o único factor que influíu na suspensión da publicación do DRAG, senón que houbo unha serie de acontecementos durante o mandato de Ponte y Blanco e Eladio Rodríguez que tal vez axudaron a ese desenlace. Tampouco o DEGC de Eladio Rodríguez, alicerce da lexicografía galega, verá a luz neses anos, malia o novo intento de publicación en 1933 co patrocinio do Concello da Coruña. Nese momento, o Diccionario de Carré Alvarellos, do que o segundo tomo saíra en 1931, xa enchía o baleiro existente, aínda que un e outro traballo teñan pouco que ver entre si ó tratarse o diccionario de Eladio Rodríguez dunha obra enciclopédica que ofrece unha ampla información etnográfica e fraseolóxica.
119
Nº 362