Estudos e investigacións sobre María Mariño
BOLETÍN DA REAL ACADEMIA GALEGA
que comenza, na descrición dun rapto místico, a voz poética exprésase nestes termos: ?¿Qué ondas me mecen? / Van e vein, / van e vein entre o que non sei ?pisada xorda / que dá lume / e se troca sin medida do tempo?, / van e vein na apagada ?rastro que non di?, / no serán esquecido ?lumeiro que prendeu soio?. / (...) / Escaleira teu erguer en intre baixo o tempo, / fogueira que non se apaga,? (159160). A relación entre a seca desértica interior, nacida da anulación da vontade e dos sentidos, e o lume, aparece plasticamente representada no poema ?Noite de San Johán?, que se apoia, ademais, no lume ritual e máxico da tradición galega: ?¡Lumeiro xa de onte, de hoxe e de mañán! / ¡Lumeiro que alumeas con luz de sin farol / á noite hoxe cega! ¡Día que se foi! // Os lumeiros tein dono. / Ten San Johán sempre o seu día. / O meu peito xa cegou. / Sinte o meu cor sequía? (69). Por suposto, o lume equivale a calcinación ou esencialización dos sentidos do sentir e do dicir, como ocorre, por exemplo, no caso de ?O arbre seco?, no que a voz poética se despide da árbore que está a arder na lareira, lume no que se resumen ?as xeadas que che queimaron, o sol que che quentou? (79). Non obstante, a intensidade do sentido do lume, do seu carácter de instrumento místico, da súa simboloxía como elemento central ou indicador da centralidade, así como da purificación, atopámola no poema 30 de Verba que comenza, onde o obxecto queimado é a mesma voz poética, apuntando así á extinción da propia identidade: ?aplástame a chuvia, / lévame o vento, / quéimanme, / carbón de min queren facer, / como a chama non fai brasa? (202203). Do lume xorden, logo, as cinzas, que equivalen á morte, pero tamén, nun ciclo de renacemento, á resurrección eterna da materia ou á súa máis esencializada manifestación. A cinza é tamén unha pegada ??¡Soio huella quedou dela!? (68)?, un rastro, materia pobre, residual pero tamén esencial, que contén en si mesma o lume, como viamos no caso do libro queimado e como comprobamos tamén no poema 3 de Verba que comenza: ?Si algo de ti alenta en forza viva, / si algo de ti vive méntralo vas menguando, / si eres causa, / encende luzdía na cinsa dos mortos / (...) / Encende a cinsa dos ósos en luz que nos diga.? (151), e mesmo no 6, en referencia ó vento, ?cinsa que alumea? (156). Lume, en definitiva, que resume o ser en pegada: ?Fala a luz: / «Rastro eres na fiebre do tempo»? (188). Como estamos comprobando, esta experiencia múltiple da verba ?verba do Misterio e tamén verba poética? representa todo un proceso místico no que a natureza se manifesta, ás veces caprichosamente, á conciencia da poeta. Non obstante, dita manifestación debe ser propiciada por certas actitudes e, por dicilo así, por unha preparación previa. Existen, logo, certas condicións para que a experiencia mística e poética poida darse, aínda que, en calquera caso, non dependa da vontade do poetamístico; tal e como o expresa José Ángel Valente, estas condicións ou fases sucesivas son: o baleiramento do eu, o paso do Universo a través dese baleiro e a non intencionalidade (cfr. Nuño, 2000). Respecto da segunda delas, a filtración do universo ou da natureza a través da particular continxencia do poeta, temos visto abundantes exemplos ata o momento. En
31 Nº 368