224
BOLETÍN DA REAL ACADEMIA GALEGA
Por outra banda, dada a enorme importancia outorgada ós restos arqueolóxicos, o noso historiador non pode menos que laiarse da deplorable destrucción do patrimonio, coa que se borran as pistas que poderían levarnos a aclaralos misterios do pasado. Os monumentos megalíticos, en particular, son os que máis sufriron a devastación, víctimas de constructores que queren aproveitala pedra ?por lo fino de su grano, para construcciones modern a s ? (1865: 395), ou de cobizosos buscadores de tesouros (1888: 98)3; a estes motivos engádense a acción da Igrexa que pretende aniquilar todo vestixio de cultos pagáns (1888: 71), a extensión da agricultura (1865: 394), ?la rapidez que en sus trabajos pone la codicia propia de la moderna industria? (1888: 32) e, por riba de todo, a ?indiferencia pública? (1888: 71). Á superación deste panorama tan ruinoso só se chegará combatendo ?el poco amor que se tiene al presente á semejante clase de estudios? (1865: 395), e ?estendiendo á España... la afición á toda clase de a n t i g ü e d a d e s ? (1865: 384). Pero hai outra recomendación vital:
Se hace necesario que las autoridades superiores de las cuatro provincias declaren monumentos nacionales tanto las mámoas como los castros y demás monumentos célticos, para salvarlos de su completa ruina, haciendo responsables á los alcaldes de los atentados que contra ellos se cometen diariamente?(1865: 512).
Máis de cen anos despois de que estas palabras fosen escritas, hoxe podemos estar ou non de acordo con elas; agora ben, ¿quen pode negala súa rotunda actualidade? A INVESTIGACIÓN ARQUEOLÓXICA MURGUIANA OS PRINCIPAIS ÁMBITOS DE INTERESE: MONUMENTOS MEGALÍTICOS E CASTROS Xa quedou clara a favorable valoración que fixo Murguía da investigación arqueolóxica, e a inmensa confianza que depositaba nela. Vexamos agora en qué medida soubo e tivo ocasión de desenvolvelas posibilidades que esta disciplina lle brindaba. Debemos advertir de antemán que hai unha categoría de vestixios do pasado que centrarán a meirande parte das reflexións murguianas de carácter arqueolóxico, por iso é razoable que comecemos por referírmonos a eles: os monumentos megalíticos. Asociados a estes por unha suposta autoría común