MANUEL MURGUÍA
223
rio caudal de información permítelle descubrilas grandes posibilidades que revela unha nova disciplina que está en auxe en Europa pero que a penas chega a Galicia: a arqueoloxía. Pero a súa valoración deste saber tamén está favorecida, como indicamos, por outro elemento: o concepto que ten Murguía do oficio do historiador. A Historia, segundo el, debe ser construída a partir da verdadeira fonte, que non é outra que o documento histórico. Sen embargo, hai determinadas épocas nas que non se produciu documentación escrita e para as cales, como moito, só témolas referencias indirectas dos clásicos. E, neste punto, mentres Vicetto aínda consideraba a literatura grecolatina como ?la antorc h a m á s luminosa de la antigüedad? (Vicetto 1865: 7), Murguía decátase xa de que ? a cada momento saltan á la vista las contradicciones en que incurriero n a q u ellos pulcros escritores..., y en verdad no conocemos trabajo mas cruel que el de i n t e n t a r á v e c e s , p o n e r l o s d e a c u e rd o y h a c e r q u e c o n c i e r t e n s u s n o t i c i a s ? (Murguía 1865: 384). En consecuencia, búscase unha estratexia máis fiable de achegamento ó pasado a arqueoloxía e mellores fontes de información os restos arqueolóxicos. Aínda hai outro condicionante que favorece o interese murguiano pola arqueoloxía, e que vén dado tamén pola súa idea da producción historiográfica. Consonte a súa perspectiva, o historiador debe facer unha narración completa e exacta dos feitos, pero tamén interpretalos libremente para chegar a lexítimas conclusións (Cfr. Murguía 1865: XXIII). Isto, dende logo aceptable, múdase cando como sucederá a miúdo o proceso se inverte, e os coñecementos ou conviccións previos mediatizan o particular xeito de historiar. Concretamente, o celtismo murguiano, sustento da proxección política da súa obra, levará o noso autor a buscar na arqueoloxía unha nova vía para procurar probas coas que reforzalas súas teses. Aquí debemos ver, polo tanto, outra motivación dos seus alegatos pola investigación arqueolóxica, especialmente a que se centre sobre as antigüidades tidas por célticas. En todo caso, a intencionalidade política de fondo non impedirá que Murguía faga, nos máis dos casos, un axeitado emprego desta disciplina, e que, como veremos, a arqueoloxía galega dea con el un salto cualitativo extraordinario.