222
BOLETÍN DA REAL ACADEMIA GALEGA
c i a (18651866 e 19011906, respectivamente), e a súa Galicia (1888), traballos ós que se engaden algúns ensaios menores, varios deles publicados no Boletín de la Real Academia Gallega 2 . O VALOR DA ARQUEOLOXÍA Podemos considerar a Manuel Murguía un verdadeiro entusiasta da arqueoloxía. Son tantas e tan elocuentes as súas afirmacións en prol desta disciplina que, de reunírmolas todas, poderiamos encher páxinas e páxinas e dar así forma a un atinado manifesto. Mais non é este o lugar de tal; xa que logo, só recolleremos uns exemplos:
Es necesario y urgente el estudio de los utensilios, armas y demás objetos, pertenecientes á las mas altas antigüedades de nuestro pueblo libros abiertos en que el historiador lee mas claro que en los autores griegos y romanos si queremos conocer nuestros primitivos orígenes y la vida de los pueblos de quienes nos gloriamos descender (1865: 395). El remontarse al estudio y conocimiento de los tiempos primitivos, solo es dado en aquellos felices paises en donde se ha llevado tan allá esta clase de investigaciones (1865: 408). Cuando esto suceda, cuando se interrogue los muchos y desconocidos monumentos y se busque bajo la tierra los tesoros que respecto á nuestras remotas antigüedades todavía oculta, enconces será cuando pueda el historiador arrojar una mirada investigadora sobre el pasado... (1865: 409).
Esta actitude murguiana, este interese exaltado pola arqueoloxía, resulta absolutamente singular no contexto da Galicia do seu tempo. De feito, só poderemos comprendelo se temos en conta dous factores que caracterizan a persoa de Murguía: por unha banda, a súa vastísima erudición; pola outra, a súa propia concepción do labor do historiador. Vexamos en qué medida inflúe cada un destes aspectos. Murguía coñece e manexa a bibliografía galega e peninsular anterior ó século XIX e a producida durante o seu século, pero tamén a literatura histórica, arqueolóxica e antropolóxica publicada na Europa do momento. Deste xeito, así como está ó tanto dos debates sobre o celtismo e a cuestión indoeuropea, tamén leu a Cartailhac, Mortillet, de Cussé, Christy, Boucher de Perthes, Troyson, Thomsen, Worsaae, Atkinson, Nilson, Keller... Todo este extraordina