Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
Trátase dun conxunto de 28 relatos que seguen esta orde: ?A nogueira?, ?Homero?, ?Axúdate?, ?O primeiro sangue?, ?A xusticia?, ?A libertade?, ?Boa proteición?, ?O vimbio e mailo pino?, ?O xiro do sancristán?, ?Os lobos?, ?Volve por outra?, ?O aforrón?, ?O escarmento?, ?Un aldraxe?, ?O mellor amante?, ?Ir por lan?, ?Entre compañeiros?, ?A illa milagreira?, ?¡Bótelle terra!?, ?Boa meiciña?, ?¡Protestante!?, ?Boa resposta?, ?Os tres soldados?, ?O carneiro?, ?¡Esquenceuse!?, ?Unha regueifa?, ?A espada do fidalgo? e ?Unha cantiga para Chané?, unha orde que, como se pode comprobar, non se corresponde coa de publicación nas páxinas d'A Nosa Terra. Do mesmo xeito que acontecía no breve opúsculo publicado un ano antes, tamén aparece unha greca decorativa con motivos florais ou xeométricos no encabezamento de cada relato, e unha miniatura que representa figuras animadas no peche de cada conto. Son vinte e sete as ilustracións de Francisco Cortés que se distribúen ao longo de todo o volume, correspondendo, case exactamente, unha por relato. Elaboradas con plumiña en negro, presentan moi diversos tamaños, dende algunha que case chega a ocupar a páxina enteira até outras que figuran inseridas nun reducido espazo do propio texto. Representan, de maneira xeral, escenas do conto no que van incluídas, polo que a presenza de tipos humanos e de escenas da vida cotiá son motivos recorrentes. De todos os debuxos, chama especialmente a atención o que encabeza o conto titulado ?Os lobos?, xa que é o único que leva título, o coñecido ?A carón do lar? que, como comentamos páxinas atrás, serviu de antetítulo a boa parte dos relatos que Lugrís publicou nas páxinas d'A Nosa Terra. De todos os datos anteriores podemos deducir que estamos diante dunha edición moi ben coidada, tanto por parte do autor como da casa editora, para o que eran os comezos do século XX no mundo editorial galego. Tal foi o coidado que o propio Lugrís incluíu a seguinte fe de erros no final do volume: ?entre outras, que o bon sentido dos lectores corregirá, hai unha importante nos renglós 24 e 25, páxina 21: onde di polo moito lle tiña, debe decir, polo moito querer que lle tiña?. Na contracapa indícase que o prezo da obra era de 50 céntimos de peseta e menciónanse como ?outras obras do mesmo autor? as que seguen: Soidades, Noitebras, A ponte, Minia, Mareiras e Esclavitú, é dicir, as que na altura tiña publicado en formato libro. Finalmente, nesa mesma contracapa infórmase de que os pedidos se farán directamente ao autor, que daquela vivía no número 38 da coruñesa rúa de Rego de Auga. Como características xerais desta etapa podemos salientar as seguintes: publicación dos primeiros volumes coa narrativa de Lugrís presenza dun único pseudónimo, Asieumedre, que, deste xeito, especialízase como a sinatura da narrativa breve publicación das primeiras versións nas páxinas d'A Nosa Terra e múltiples reproducións posteriores en medios escritos de aquén e alén mar
47 Nº 367