104
BOLETÍN DA REAL ACADEMIA GALEGA
en caso de que se demostre imposible esa remodelación do Estado común. E o autonomismo non equivale a renuncia ó nacionalismo, senón unha solución que, dadas as circunstancias, pode sela máis aconsellable política e economicamente para a nación propia. De todos modos había un feito ineludible: o Estado español real e presente (non o ideal e futuro) exercía, na súa opinión, unha forte opresión culturalnacional e levaba a cabo unha política centralizadora e espoliadora. ¿Quen era n a c i o n a l m e n t e responsable disto se non había nación española? Só podía ser unha ou algunhas das nacións integrantes dese Estado, e aí radicaba a dimensión opositiva deste referente. A identificación dese opoñente, que na súa reconstrucción histórica era claramente Castela, como vimos, non resulta tan precisa nas súas análises do presente como o será nos ideólogos da fase nacionalista. Con todo, amosa uns perfís ben perceptibles que ademais están debuxados co tiraliñas do seu racismo teórico: os opoñentes, que ás veces se tornan culpables universais, son os que levan no corpo sangue semitoafricano. E canto máis sangue africano, peor. De aí que, curiosamente, Andalucía saliente de cando en vez máis que Castela neste negativo.13 A oposición irreductible que afasta os galegos, ?de sangre superior? e ?dobremente xermánicos e libres?, deses homes ?d'a Bética, e d'a Cartaxinesa? que son ?dobremente semitas pol'a raza, e pol'a ley e o modo de concebila? (1891c), débese ?á algo que indica antagonismos y antipatías naturales, hijas de la sangre y en ocasiones de la historia también, y que por lo mismo son su racional [!] fundamento? (1889a, p. 10). En consecuencia, ?se fai patente pra nos, o perpetuo conflicto en que, en todol'os ordens, vivimos con vosco. N'a relixión, n'o arte, n'a ley ?a ley nosa porque sodes libres? somos alleos os uns ôs outros?. Estas rotundas oposicións compleméntanse cun amplo abano de amigos e irmáns. O referente de reintegración, Portugal, supera a súa atrofia anterior como consecuencia do predominio da etnicidade dentro do referente afirmativo e do desenvolvemento do negativo. Portugal, non só contén unha parte da nación común galaicoportuguesa, traumaticamente escindida pola loita entre Estados (1889a, p.45; 1891c), senón que coa súa presencia mantén aberta a posibilidade dunha reintegración política real.