MANUEL MURGUÍA
103
En primeiro lugar, o referente de negaciónoposición desenvólvese ata o punto de negar, por primeira vez no galeguismo, que España sexa unha nación propiamente dita. Murguía deixa moi claro no seu discurso rexionalista que concibe España como a agrupación dun conxunto de razasnacións dentro dun Estado, nacións que non só son diferentes senón nacionalmente opostas en moitos aspectos. Esta tese básica, tan necesaria na España contemporánea para o nacemento dunha ideoloxía verdadeiramente nacionalista non españolista, é formulada nidiamente por Murguía xa en 1886:
Dígalo nuestra España, en donde viven en perpetuo conflicto intelectual, pueblos verdaderamente europeos, y pueblos cuyo origen, cuya raza y civilización son por entero africanos [...] ¿Y creeis acaso que estas diversas agrupaciones distintas por la sangre que las anima, por la tierra que las alimenta, y por las gentes de quienes vienen no han de sentir la influencia de los medios en que viven, y no ha de ser visible todo esto en las manifestaciones de la voluntad y la inteligencia? [...] ¿Qué lazo de sangre, qué lazo histórico ha de unir naciones cuya cultura tiene tan distinto origen y fundamento? [1886c].
E como estes procesos históricos diverxentes xeraron (á parte do éuscaro que xa estaba) tres idiomas e tres civilizacións diferentes, conclúe: ?¿Creeis, pues, que basta un derecho y bastan cincuenta años de centralización para borrar de una vez para siempre las diferencias de clima, de historia y de sangre?? Sen embargo, Murguía formula a negación de modo que faga posible un rexionalismo/nacionalismo autonomista (ou, nos seus sucesores, federalista), pero non separatista. Por iso non nega que a súa nación pertenza á española, senón que nega que a nación española exista. Isto permite situalo ente histórico España, que agora non é nación, por riba e a salvo dos antagonismos nacionais. En cambio, se recoñecese simultaneamente a existencia da nación española e a da nación galega, a única conclusión politicamente coherente sería o separatismo, á maneira dun Sabino Arana, ou como moito a federación/confederación entre Galicia por un lado e o resto (nación española) polo outro. Pero postulando que España é un Estado formado por máis de dúas nacións ábrese o camiño da reorganización do marco común de convivencia mediante unha remodelación dese Estado que satisfaga a todas e asemade conserve e mesmo amplíe a unidade histórica hispánica. A separación non é, daquela, unha consecuencia necesaria da identidade nacional, pois formar parte de España non implica ser subsumido por outra nación, senón simplemente un último recurso